Apis dorsata
L’abelha giganta d'Asia (Apis dorsata) es una espècia d'abelha mellifèra migratritz que viu dins un airau anant de Paquistan a Oceania. Leis obrieras an una longor situada entre 17 e 20 mm e lei colonias s'installan dins d'endrechs pauc accessibles coma lei brancas deis aubres pus auts dau canopèu, dei bauç ò, pus rarament, la façada d'un bastiment. Lo brusc a generalament la forma d'un disc semicircular verticau que pòu aisament passar lo mètre de diamètre. Es cubèrt per plusors jaç d'abelhas e, d'un biais generau, la colonia réagis violentament quand es menaçada. Lo brusc es abandonat après tres ò quatre mes passats dins un meteis endrech e la colonia se desplaça[1].
En despiech dau perilh menaçat per la reaccion defensiva dei bruscs trebolats, aquela abelha es tradicionalament utilizada coma fònt de mèu dins mai d'una region d'Asia[2].