Antonomia
En semantica, son antonimas las unitats lexicaus que son de sens opausat o contrari. Los antonims se pòden destriar en foncion de la relacion qu'existeish entre eths :
- pòden estar complementaris quan son en oposicion exclusiva. L'un es la negacion vertadèra de l'aute e la negacion de l'un deus dus implica l'afirmacion de l'aute (ex. : òc/non, viu/mòrt).
- pòden estar dens ua relacion d'oposicion exclusiva mès tanben gradabla. En occitan, es generaument lo cas de quauques adjectius (ex. : praube/ric, bon/maishant, hred/caud, petit/gran).
- pòden presentar, en mei de l'oposicion exclusiva, ua relacion de reciprocitat (ex. : crompar/véner, hemna/marit, davant/darrèr).