Antoni Grabowski

Antoni Grabowski (Nowe Dobre, 15 de junh de 1857 – Varsòvia, 4 de julh de 1921) foguèt un engenhaire quimic e escrivan esperantista polonés. Aqueste autor, que recebèt l'escais de "paire de la poesia en esperanto", s'interessèt tre la debuta a aquela lenga artificiala e foguèt un dels activistas mai notables dins la difusion de l'esperanto gràcias a sa produccion literària e a sas traduccions. Grabowski, que foguèt lo primièr a parlar la lenga amb Zamenhof, presidiguèt durant un brave temps la Societat Polonesa d'Esperanto e dirigiguèt la seccion de gramatica de l'Acadèmia de l'Esperanto tre 1908.