Antiòc III
Antiòc III Megas (vèrs 241 avC - 187 avC) fuguèt lo seisen rèi de l'Empèri Seleucida de 223 avC a sa mòrt. Succediguèt a Seleuc III (243 - 223 avC) e fuguèt remplaçat per Seleuc IV (218 - 175 avC). Es lo sobeiran pus important de la dinastia seleucida ambé son fondator Seleuc Ièr.
|
Antiòc III
| |
|---|---|
 | |
| Busta d'Antiòc III | |
| Biografia | |
| Naissença | vèrs 241 abC |
| Decès | 187 abC |
| País: | Empèri Seleucida |
| Epòca: | Antiquitat |
| Règne: | 223 abC a 187 abC |
| Davancièr: | Seleuc III |
| Successor: | Seleuc IV |
Durant son rèine, assaièt de renfòrçar l'Empèri Seleucida ja afeblit per lei trebols dins lei províncias orientalas e lei conflictes entre estats grècs. Capitèt de replegar leis atacas deis Egipcians e dei parts d'Arsaces II. Puei, assaièt de sostenir lo Reiaume de Macedònia còntra la Republica Romana mai fuguèt esquichada ai Termopilas en 191 avC. Lei Romans contunièron la guèrra en Anatolia e la desfacha saunosa de Magnèsia en 190 avC entraïnèt la pèrda de la màger part d'Anatolia per lei Seleucidas...