Anomalocaris

L'anomalocaris qu'ei ua espèci deu genre deu anomalocaridides, tan vau díser, un animau fossil descobèrt dehens l'esquist de Shale (Colómbia Britanica, Canadà) e un membre de la fauna cambriana suposat tanhent a quauque nivèu deus artropòdes.

Reconstitution artistica modèrna

Endom

Qu'èra un predator, en particular deus trilobits.

Los purmers fossils espinchats per Joseph Frederick Whiteaves puish per Charles Doolittle Walcott qu'èran de diferentas partidas deu son còrs e que hon en purmèr interpretadas com estant animaus diferents ; fin finala, en 1985, Harry Blackmore Whittington e Derek Briggs que tornèn interpretar los fossils en bèth establir l'identitat d'anomalocaris com ua bèstia sancera.

Que s'a tanben dobtat de la capacitat de la soa boca a herir bèstias dotadas d'ua pèth dura. Fin finala, rèstas de las soas partidas molas amassa dab mostras de las heridas deichadas per sas nhacadas sus las rèstas de trilobits fossilizadas que permetèn de miélher interpretar los fossils d'anomalocaris.

Qu'èra provesit de duas mandibulas en forma de trompas entà gahar la soas presas, d'ua boca arredona, d'aletas entà's màver e d'ua coda. Los sons uelhs tanben que sembla qu'èra hèit entà la caça : un parèu composat cadun de milers de caras.

Qu'ei considerat com lo predator màger de la soa tempsada.

Galeria de fossils

• 
  Anomalocaris sancer.
• 
  Boca d'anomalocaris.
• 
  Mandibula en forma de trompa.
• 
  Anomalocaris sancer.