Anne Brontë

Anne Brontë (Thornton, 17 de genièr de 1820 - Scarborough, 28 de mai de 1849) foguèt una escrivana e poetessa anglesa. Èra la mai jove de las sòrres Brontë, Charlotte e Emily que foguèron d'escrivanas plan famosas dins la literatura anglesa. Escriguèt un libre de poesias amb sas sòrres (Poems by Currer, Ellis, and Acton Bell en 1846, e dos romans. Lo primièr Agnes Grey, que se fondamentava sus sas experiéncias de governanta foguèt publicat en 1847, mentre que son segond e darrièr roman, The Tenant of Wildfell Hall, considerat coma una de las primièras òbras feministas, espeliguèt en 1848. Anne visquèt pas gaire que moriguèt d'una tuberculòsi pulmonària quand aviá pas que 29 ans.

Biografia

Anne Brontë nasquèt en 1820 a Thornton, un vilatge de Yorkshire dins una familha modèsta. Èra lo darrièr enfant de sièis fraires e sòrres, que lo nom de la familha vendriá notable dins la literatura anglesa, los Brontë. La maire, Maria Branwell Brontë, se moriguèt d'un cancèr, en 1821, quand Anne aviá tot bèl just fach un an, aprèp que totes s'installèssen a Haworth, ont lo paire, Patrick Brontë, èra estat nomenat vicari perpetual.

Òbras

Romans

• Agnes Grey (1847)
• The Tenant of Wildfell Hall (1848)

Ligams extèrnes

• Agnes Grey information and free ebook
• The Tenant of Wildfell Hall information and free ebook
• Poems by Currer, Ellis, and Acton Bell by Charlotte Brontë, Emily Brontë and Anne Brontë. London: Aylott and Jones, 1846 at A Celebration of Women Writers
• Anne Bronte eText Archive
• Website of the Brontë Parsonage Museum in Haworth
• Anne Brontë – The Scarborough Connection
• Anne Brontë – Her grave in Scarborough
• Music On Christmas Morning – Audio Poem