Andrieu Dexet
Andrieu Dexet (en francés André Dexet), nascut a Lemòtges en 1921[1], e mòrt en 1997[2], es un escriveire lemosin de lenga francesa e de lenga occitana. Escrivet jos l'escais Panazô. Aquel escais es lo nom de la comuna de Panasòu, onte l'autor a viscut, escrit segon una grafia tradicionala lemosina e peirigòrda. Dins aquela grafia, s'escriu "ô" per "òu" dins las grafias classica e mistralenca. Jornalista, Panazô participet tanben a la premsa comunista lemosina (lo jornau l'Echo du Centre). Fuguèt tanben productor a la ràdio e a la television[3].
