Anastasi lo Sinaïta
Anastasi lo Sinaïta (vèrs 615 ò 620 - après 700) èra un teologian ortodòx bizantin de la fin dau sègle VII e dau començament dau sègle VIII.
Sa vida es fòrça mau coneguda. Foguèt lo cap d'un monastèri de Sinai que participèt ai polemicas ambé lei monofisistas d'Alexàndria avans la conquista musulmana d'Egipte. Puei, fins a sa mòrt, sembla viure en Sinai onte foguèt l'autor de plusors òbras de teologia coma Hodegos (un tractat de 16 capítols còntra leis eretics probablament escrich après 641), un tractat de 6 capítols còntra lo monotelisme, un tractat de 16 capítols còntra lo monofisisme, un tractat de 154 questions e respònsas sus l'Escritura Santa e divèrseis omelias. D'autreis obratges li son atribuits coma un commentari de la Genèsi e un tractat de 12 libres sus l’Hexahemeron.
Es un sant de la Glèisa Ortodòxa.