Amanda Knox
Amanda Marie Knox, escaissada dins la premsa Foxy Knoxie o "La Reina de Glaç" (Seattle, 9 de julhet de 1987) es una estudianta americana que se trobèt al centre d'un afar criminal en 2009. Foguèt acusada amb son amic Raffaele Sollecito e Rudy Guede d'aver assassinat una estudianta anglesa, Meredith Kercher, dins la vila italiana de Perosa. Faguèt quatre ans de preson abans d'èsser liberada lo 3 d'octobre de 2011.
Pasmens lo jutjament contunhèt e lo 30 de genièr de 2014 foguèt condemnada amb Sollecito a 28 ans de preson. Knox que viviá dempuèi un temps als Estats Units podiá èsser l'objècte d'una extradicion cap a Itàlia mas finalament lo 28 de març de 2015, aprèp un quatren jutjament Amanda Knox e Sollecito se vegèron aquitats per la Cort de Cassacion italiana.