Alexa Meade

Alexandra S. Meade, mai coneguda coma Alexa Meade (Washington, DC, 3 de setembre de 1986) es una pintora americana. Es especialista de pintura corporala e fa semblar sos modèls a de personatges bidimensionals sortits de quadres.

Alexa Meade dins un autoretrach "Double Take" en 2010

Biografia

Enfància e estudis

Alexa Meade del temps qu'èra a pénher un de sos subjèctes

Alexa Meade nasquèt a Washington D.C. en 1986 dins una familha amonedada, son paire Philip C. Meade es cap d'una firma de comptables. Cresquèt a Chevy Chase, un vilatge de l'estat de Maryland, e a l'entorn de sos 16 ans s'orientèt cap a l'escultura e a la politica. Mai tard faguèt los estudis universitaris en sciéncias politicas al Vassar College de Poughkeepsie, e a l'encòp seguissiá de corses d'escultura. Durant sa tresena annada d'universitat partiguèt durant un semèstre a Danemarc, per i estudiar la politica europèa a l'Universitat de Copenaga.

Començament de sa carrièra artistica

Aquela estança europèa li faguèt comprendre que sentissiá mai d'interès l'art que per la politica. Participèt a la campanha electorala de Barack Obama e gràcias a aquela experiéncia s'avisèt que deviá laissar de caire la politica per s'avodar a l'art. Foguèt tre octobre de 2008 que comencèt sas experimentacions artisticas, e sa futura trajectòria se revelèt en mai de 2009 quand penhèt un amic sieu. Aquel meteis an obtenguèt son bachelierat universitari.

Tecnica picturala

Meade aplica de pintura acrilica sus las gents, los objèctes, e mai las parets amb un estil que se sarra de l'aparéncia de la pintura tradicionala amb las traças dels pincèls.

Ligams extèrns

• Sit oficial d'Alexa Meade