Aie a Mwana

Aie a Mwana es una cançon compausada e escricha pel francés Daniel Vangarde ambe lo bèlga Jean Kluger.

La tota primièra version d'aquela cançon es estada enregistrada en 1971 jol títol Aieaoa per l'album Le Monde fabuleux des Yamasuki.

En 1975, una version ambe de paraulas en majoritat en lenga soahili es estada enregistrada en Belgica per Black Blood, un grop african, jol títol A.I.E. (A Mwana). Aquela version es estada una gròssa capitada en França e en Belgica.

En seguida, en 1981, Aie a Mwana foguèt tanben lo primièr 45 torns publicat pel grop anglés Bananarama. En 2010, aquela version de Bananarama es estada represa ambe de paraulas leugièrament diferentas (Helele) per Velile ambe Safri Duo.

Coma productor dels grops franceses Ottawan e La Compagnie créole, Daniel Vangarde lor farà egalament enregistrar una version d'aquela cançon, en 1982 per Ottawan, en 1987 per la La Compagnie créole.