Ahar deus Placards
L'Ahar deus Placards (var. Afar/Ahar dels/daus/dei/deths Placards) qu'ei un deus purmèrs episòdis de las Guèrras de Religion. Los placards qu'èran escrits pamfletaris e agressius contre lo catolicisme qui hon justament placardats durant la nueit deu 17 e 18 d'octobre de 1534 a Amboise e dinc a la quita pòrta de la crampa deu rei Francés Ièr de França au castèth d'Amboise. Victima d'ua provocacion tan agressiva qui'u tocava quasi fisicament la persona deu Rei, aqueth que con.hessè publicament la soa fe catolica e que prengó mesuras de repression (execucions e lenhèrs).
