Adrienne Blanc
Hyacinthe Marie Adrienne BLANC que neish a Mont de Marsan (Lanas) lo 31 de genèr de 1884. Que’s marida en 1915 dab l’engenhaire e astronòme Julian Peridièr. N’auràn pas nat mainat.
Qu’escriu dab lo nom Adrienne Blanc-Péridier e tanben dab lo chafre Adrienne Boglione.
Pendent la guèrra 1914-1918, qu’ei infirmièra d’ambulància. Que publica en 1918 un recuelh poetic de grana escaduda : Le cantique de la Patrie 1914-1917, aus edicions Plon.
Que rejonh l’Union Nationale pour le Vote des Femmes a partir de la fin de la guèrra. Que defenerà la causa de las Hemnas tota la vita. Qu’escriu en 1936 la biografia de Juliette Adam, ua feminista francesa presenta au moment de la signatura deu tractat de Versalhas lo 28 du junh de 1919.
Adrienne Blanc qu’escriu mei de 80 pèças: poèmas, romans, òbras de musica religiosa e pèças de teatre (comedias e tragedias) de quaus un vintenat de pèças de teatre per mainats qui seràn sovent jogadas en França e dens los país francofònes. Los libes sons mei coneguts que son benlèu Le cantique de la Patrie 1914-1917, La Hitilleyre, contes e poèmas landés, e Rencontre, un estudi psicologic en fòrma de roman, ecriut dab lo poèta egipcian Joseph Ascar Nahas. Lo poèta e jornalista gersés Armand Praviel qu’escrivirà : “Mme Blanc-Péridier s'est penchée pour écouter les voix qui montent de la terre des Landes et nous en apportent l'écho musical léger, infiniment délicat.”
Que recep lo títol de Chevalier de la Légion d’Honneur. Que’s mòr lo 6 d’aost 1965 au Hogar (Gèrs, Armanhac).