Adam Price (Copenaga, 7 de mai de 1967) es un scenarista danés. Es conegut subretot per sa creacion de la sèria de television Borgen, una de las mai vistas en Danemarc. Es tanben animador d'una emission culinària amb son fraire James. Es proprietari de dos restaurants dins la capitala del país, Copenaga.

Adam Price en 2010

Es actualament a trabalhar sus una novèla sèria politica per la cadena britanica BBC, que se deu sonar The Club.

Biografia modificar

Adam Price nasquèt a Copenaga en 1967 dins una familha d'artistas, famosa dins lo mond cinematografic. Son paire, John Price, èra un actor e realizador plan conegut e sa maire, Birgitte Price, nascuda Bruun, èra una actritz e comediana prestigiosa. Estudièt lo drech a l'Universitat de Copenaga de 1986 a 1990. Foguèt maridat de 2008 a 2010 amb la productritz Lærke Kløvedal e se tornèt maridar un segond còp lo 28 de julh de 2012 amb un dessenhaira grafica, Mischa Jemer.