Aaron Swartz

Aaron Hillel Swartz (Chicago, 8 de novembre de 1986–Nòva York, 11 de genièr de 2013) foguèt un programaire, escrivan, organizaire politic e activista internetian american. Swartz participèt al desvolopament del format RSS e al sit de nòvas socialas Reddit.

Aaron Swartz durant un rescontre de Wikipèdia en 2009 a Boston

Malcontent del fach que JSTOR fasiá pagar per accedir als articles de revistas academicas e qu'èran los editors e pas los autors que ganhavan l'argent, Swartz decidiguèt de descargar l'ensems de las publicacions per las far venir publicas e gratuïtas. Qualque temps mai tard, lo 6 de genièr de 2011, foguèt arrestat pel descargament illicit de JSTOR, e foguèt subjècte d'una enquèsta federala. En 2013, dintrèt dins lo Internet Hall of Fame.

L'11 de genièr de 2013, dos ans aprèp son arrestacion, Swartz foguèt trobat mòrt, penjat dins son apartament de Crown Heights, Brooklyn.