Édith Fambuena

Édith Fambuena (nascuda lo 29 de julhet de 1965) es una cantaira provençala de soca espanhòla e de de lenga francesa.

Édith rencontra lo grenoblés Jean-Louis Piérot al licèu a z-Ais (Provença, Occitània) al debut de las annadas 80 e aital començan de far de musica amassa. En 1985, Gérald Gardrinier, un cantaire e bassista vengut de la Reünion, rejonh lo duò provençal : vengut un trio, lo grop pren per nom Les Max Valentin e enregistra dos 45 torns aprèp aver encontrat Étienne Daho, en virada promocionala a z-Ais per son album Pop Satori, e que los signèt sus son label. Aital, lor tròç Les maux dits obten un pauc de resson de caps la fin de 1987.

Pasmens, Gérald decida pauc de temps aprèp de quitar lo grop per far une carrièra solò jos l'escais de De Palmas.

Alavetz, Édith e Jean-Louis càmbian lo nom del grop vengut un simple duò : Aital, Les Max Valentin ven Les Valentins, Édith remplaça alavetz al cant Gérald. Jos aquel nom, lo duò sortís quatre albums, mentre que participan coma musicians a l'enregistrament e a la produccion d'albums per d'autres cantaires famoses de la scèna francesa coma Étienne Daho, Nicola Sirkis (del grop Indochine)^[1], Alain Bashung^[2], Jacques Higelin, Kaolin, o encara Hubert-Félix Thiéfaine^[3].

Causa pauc coneguda, Édith Fambuena es pr'aquò lo son de fòrça cançons francesas popularas, coma las d'Étienne Daho de la fin de las annadas 80 (Caribbean sea) e del debut de las annadas 90 (album Paris ailleurs).

Les Valentins an agut çaquelà un pauc de resson per sas pròpias cançons dins las annadas 90 ambe qualquas pichonas capitadas coma Sous le chêne (1990), Les avenues (1991), J'ai triste (1993), On le sait (1996, probablament la cançon mai coneguda del grop), Teddy bear (1997), e quitament dincas al debut de las annadas 2000 ambe una ultima capitada per la cançon Entre elle et moi (2003). Es a-n'aqueste moment que lo duò se separa. Dempuèi, Édith contunha de participar a l'enregistrament de cançons par d'autres artistas de la scèna francesa.

Discografia

1990: Café des deux mondes (Les Valentins)
1993: Les Valentins
1997: Ego Ego (Les Valentins)
2001: Juke box (Les Valentins)

Cançons mai conegudas (Les Valentins)

Sous le chêne (1990)
Les avenues (1991)
J'ai triste (1993)
Les pieds dans la lune (1993)
On le sait (1996)
Teddy bear (1997)
Entre elle et moi (2003)

Referéncias

[1] ttps://www.lemonde.fr/culture/article/2005/02/26/la-patte-des-valentins-marque-la-chanson-francaise_399665_3246.html

[2] ttps://www.liberation.fr/musique/2018/11/09/edith-fambuena-bashung-nous-demandait-de-le-trahir_1691122/

[3] ttps://www.liberation.fr/musique/2011/03/15/hubert-felix-thiefaine-un-supplement-de-souffle_721902/

[1]

[2]

[3]