Volcan de Bèuluòc
Lo volcan de Bèuluòc es un volcan ancian situat sus la comuna de Ronha dins lo nòrd dei Bocas dau Ròse. Actiu i a aperaquí 18,2 milions d'ans, es un edifici de tipe maar format per una erupcion freatomagmatica que laissèt un cratèr prefond enviroutat per un pichon edifici volcanic compausat de brigas de ròca piroclastica. Puei, un lac de lava ocupèt l'endrech. Sa solidificacion marquèt la fin de l'activitat volcanica. Fòrça limat per l'erosion, lo volcan es desenant pauc visible. Pasmens, sa preséncia es aisada de caracterizar en causa de la diferéncia de color entre lei ròcas volcanicas sornas encara presentas a la superficia e lei calcaris blancs que forman lei sòus vesins.
Liames intèrnes modificar
Bibliografia modificar
- (fr) Simonne Gueirard, « Le « volcan » de Beaulieu, près Rognes (Bouches-du-Rhône) », Bulletin de la Société Géologique de France, (7), VI, 1964, pp. 443–455.