Francés Leotard
Francés Léotard (en francés : François Léotars ; Canas, lo 26 de març de 1942) es un òme politic francés. Son fraire èra lo cantaire-actor Felip Leotard. Fiu d'Andrieu Leotard, conselhier a la Cort dei Còmptes e cònsol de Frejús de 1959 fins a 1971, e d'una còrsa.
Lei debuts modificar
En 1961 militèt au PSU (Partit Socialista Unificat) contra la guèrra d'Argeria. Demorèt un an (en 1964) dins un monastèri benedictin. Estudièt lo drech, puèi entrèt a l'ENA (ne'n sortiguèt en 1973). Après, trabalhèt dins de cabinets prefectoraus.
Eleccions e nominacions modificar
En 1977 foguèt elegit cònsol de Frejús (fins a 1997) e, en 1978, foguèt elegit deputat de Frejús (va foguèt fins a 2001). Entre 1979 e 2004 foguèt conselhier de Var (1979-1988) e de la region PACA (1998-2004).
- Responsabilitats politicas
- 1986-1988 : ministre de la Comunicacion.
- 1993-1995 : ministre de la Defensa.
- 1996-1998 : foguèt president de l'UDF ambé lo sosten de Francés Vairon.
En 2003, fondèt ambé d'autrei personalitas politicas europèas l'organizacion Medbridge, que cèrca de promòure lei escambis, lo dialòg e l'ententa mutuala enter Euròpa e l'Orient Mejan.
Sa posicion sobre la lenga occitana modificar
Aviá una grand còrsa (dau costat de sa maire) e una grand provençala. Parlava aquestei lengas regionalas ambé sei grands. Per eu, de pèrdre la lenga es coma èstre en preson e donc fau promòure l'educacion en lenga regionala.
Lei romans modificar
En 2003 se retira de la vida publica e escriu d'assais e romans.
Bibliografia modificar
- À mots découverts : conversations, 1987
- Culture : les chemins de printemps, éd. Albin Michel, 1988
- Pendant la crise le spectacle continue, éd. Belfond, 1989
- Adresse au président des républiques françaises, éd. Quai Voltaire, 1991
- Place de la République, éd. Laffont, 1992
- Ma liberté, éd. Plon, 1995
- Pour l'honneur, éd. Bernard Grasset, 1997
- Je vous hais tous avec douceur, éd. Bernard Grasset, 2000
- Paroles d'immortels, éd. Ramsay , 2001
- La couleur des femmes (roman), éd. Bernard Grasset, 2002
- À mon frère qui n'est pas mort, éd. Bernard Grasset, 2003 ISBN 2-246 644-01-1Error d'escript : lo modul « check isxn » existís pas.
- La vie mélancolique des méduses, éd. Grasset, 2005
- Le silence (roman), éd. Grasset, 2007 Prèmi Jackie Bouquin
- Ca va mal finir, éd. Grasset, 2008
- La nuit de Kahina (roman), éd. Grasset, 2010
- Habitare Secum, 2011
