Volèi de plaja

Lo volèi de plaja es un espòrt collectiu oposant doas equipas composadas de dos jogaires, separats per un filat, s'afrontant amb un balon que se torna amb las mans. Venent del voleibòl, lo volèi de plaja ne diferís pel fach que se jòga mai sovent a l'exterior sus una plaja (o un terren cobèrt d'arena) e que cada equipa es compausada pas que de dos jogaires.

Partida de Volèi de plaja sus l'arena de Copacabana (Brasil)

Istoric

Lo volèi de plaja aparéis a Santa Monica en Califòrnia dins los ans 1920, puèi s'espandís en Euròpa. E dins los ans 1940 los primièrs tornegs son organizats a Santa Monica e totjorn al meteis luòc dins los ans 1960 amb la professionalizacion de l'espòrt realizant un campionat abandonat.

Balon de volèi de plaja

A partir dels ans 1970, de competicions s'organizan sus la còsta californiana, comandidadas subretot per de companhias de bièrra e de cigaretas, puèi dins los ans 1980 Hermosa Beach (en Califòrnia) utiliza lo potencial e lo vam d'aquel espòrt pel desvolopar subretot traçant sus l'arena de linhas per limitar los terrens.

A partir dels ans 1990 conéis un grand vam popular e una exposicion mediatica, per exemple amb l'introduccion als Jòcs olimpics (demonstracion en 1992 a Barcelona e dintrada en 1996 a Atlanta).

En 1993, la FIVB presenta un campionat mondial femenin de volèi de plaja.

• Unas partidas de volèi de plaja pel mond
• 
  Torneg masculin de volèi de plaja als Jòcs olimpics d'estiu de 2012 (Londres)
• 
  Jòcs olimpics d'estiu de 2008 (Pequin)
• 
  Manhattan (Nòva York).
• 
  Perth (Austràlia).
• 
  Singapor.
• 
  Genèva (Soïssa).
• 
  Ostia (Roma plaja) (Itàlia).
• 
  París (França).
• 
  Aurenja (Occitània).

Los païses qui dominan lo volèi de plaja son los Estats Units d'America, Brasil e mai recentament Austràlia.

Règlas oficialas

La mira del jòc es de tocar lo terren de son adversari amb la bala, amb un maxim de 3 tòcas consecutivas per una meteissa equipa.

Las règlas oficialas de volèi de plaja son disponiblas sul site de la FIVB e per simplficar:

• Organizacion d'una partida:
  • Cada equipa se compausa de dos jogaires (sens remplaçant)
  • Dimensions del terren: 16 m x 8 m amb 3 a 5 m liures a l'entorn e fins a 6,5 m en arrièr de la linha de servici (la superfícia totala de jòc se situa entre 22x16 m e 29x18 m e un minim de 7 a 12,5 m de liure al dessús du terren. Las linhas de bòrd de terren devon mesurar 5 cm de larg.
  • Nautor del filet: 2,43 m pels òmes, 2,24 m per las femnas (identic al voleibòl)
  • Lo balon es mai pesuc que lo balon de volèi classic, mens coflat, impermeable (per se far pas mai pesuc jos la pluèja), amb molleton e de colors vivas.
  • Un punt es marcat sus cada balon jogat (sistèma "rally point"). L'equipa que marca lo punt servís. Los servidors d'una meteissa equipa alternan quand lo servici cambia de camp.
  • Una partida se jòga en dos sets ganhants de 21 punts, levat lo tresen set (set decisiu) que se jòga en 15 punts ganhants. Deu totjorn i aver 2 punts d'avança per qu'una equipa pòsca emportar un set.
  • Las equipas cambian de costat cada 7 punts marcats (5 punts al set decisiu).
  • Un temps-mòrt tecnic de 30 segondas se fa quand lo total dels punts marcats de las doas equipas es egal a 21 punts, suls primièrs e segond sets unicament. I a pas de temps-mòrt tecnic al set decisiu.
  • Mai, cada equipa dispausa d'un temps mòrt de 30 segondes cada set.
• Organizacion del jòc
  • Règlas generalas
    • Cada equipa dispausa de tres tòcas maxim (lo contre compta coma una tòca) per tornar lo balon a l'adversari.
    • S'i a pas de fauta, lo jòc s'arresta quand la bala tòca lo sol o quin que siá objècte o persona fòra dels tèrmes drl terren.
    • Las tòcas se pòdon realizar amb quina que siá partida del còs (tanben los pés).
    • La bala deu totjorn èsser "picada". La passa nauta (amb los dets desligats) es pas autorizada, levat s'es tornada dins l'axe del jogaire (definit per sas espatlas) e sonque dins las situacions seguentas:
      • En segonda passa cap a son coequipièr,
      • Al contre,
      • En parada (recepcion reflèxe sus una ataca "poderosa").
    • Se la bala tòca la linha termièra, es considerada dedins.
  • Al servici
    • La bala se deu picar amb una sola partida del braç o de la man,
    • I a pas de "segond servici" en cas de fauta sul primièr,
    • Lo servidor pòt se situar ont vòl darrièra la linha de servici (sens passar a esquèrra o a drecha del terren).
    • Lo partenari del servidor pòt pas se situar dins l'axe del servidor e d'un jogaire advèrs.
  • A la recepcion:
    • la passa nauta (dets desligats) es pas autorizada (levat parada).
    • Mai d'una tòcas consecutivas e involontàrias fan pas fauta e se consideran coma una sola tòca.
  • A la passa: pas de règla especifica.
  • A l'ataca:
    • la bala deu èsser obligatoriament picada (còp sec), amb la palma de la man veire los dets se demoran ligats,
    • la bala deu tornar passar dins l'autre camp passant al dessús dels 8 m delimitats pel filat (d'antenas son normalament fixadas en competicion per facilitar lo jutjament).
    • Es pas possible de començar a tocar la bala dins lo camp de l'adversari (mas se l'i pòt menar dins l'encastre d'un contre pojant lo balon e après aver relizat lo primièr contacte dins son camp).
  • Al Contre
    • La bala pòt demorar en contacte long amb las mans o tocat amb los dets desligats
    • La bala pòt èsser tocada mai d'un còp del moment que demora reste dins la meteissa accion de contre,
    • Lo contact compta per una tòca de bala, mas lo jogaire la pòt tornar tocar mai tard.
  • Al filat (e en fach, sus la zona de gaireben 1,5 m de cada costat del filat)
    • Tocar la benda nauta del filat es interdit (se pòt tocar lo quita filat de moment qu'aquò fa pas mòure lo naut del filat),
    • Es possible de passar en dejós del filat (del moment qu'empacha pas l'adversari),
    • Tocar la bala al dessús del filat es considerat coma un contre,
    • Es interdit d'empachar volontariament l'adversairi,
    • Es possible de tornar prene la bala après qu'aquela darrièra aja tocat lo filat.
• Cas particulars:
  • Far una passa nauta en recepcion de servici o d'ataca plaçada es pas autorizat.
  • Per las passas nautas la tolerança abans de considerar la bala coma portada es mai granda qu'al voleibòl (entre autre per gerir melhor l’influéncia potenciala del vent o de la pluèja).
  • Se lo servidor manca son lançat mas torna prene la bala sens far de gest manifèst de servici, pòt recomençar.
  • Se per una recepcion, la bala tòca mai d'una partidas del còs successivament e de biais involontar, i a pas fauta e una sola tòca es comptada.
  • Se la bala tòca l'adversari al travèrs del filat, i a pas fauta.

Arenjaments pels jogaires occasionals

Las règlas del volèi deplaja son pro estrictas, alara per las partidas entre amators de règlas sont assoplidas:

• Partidas en un sol set de 15 punts per far virar los jogaires mai rapidament.
• Jòc en 3v3, 4v4, 5v5 veire 2v3 o 3v4 segon lo nombre de jogaires presents.
• Passa nauta autorizada dins son camp, veire per far una ataca plaçada.
• Las antenas son gaireben pas plaçadas. Las longors de terren, nautor de filat pòdon èsser mermat.
• I a pas de temps mòrts

Combinasons

Quand lo 2 jogaires d'una meteissa equipa atenhon un cert nivèl, ven interessant de soscar a d'estrategias d'atacas. Alara venon las combinasons, anonciadas discretament pel partenari del servidor, amb las mans dins l'esquina.

Estrategia de defensa

Quand se servís on se pòt realizar una defença sus l'ataca de retorn de servici. La defença se pòt realizar al mièg del terren (classic) o al filat (en contre o blòc). Al volèi de plaja, que n'i a sonque 2 jogaires, en cas de defensa en contra, es pas possible de cobrir tota la superfícia, lo contraire deurà causie entre aparar "la linha" en cas d'ataca lo long de la linha o aparar la diagonala, en cas d'ataca crosada. Lo servidor sauprà alara o se plaçar après son servici per cobrir al maxim lo terren pendent la defensa.

Las indicacions de combinason

Aquelas indicacions son de 2 òrdres:

• Sus qui servir (det a drecha o a esquèrra). Aquela anóncia es pro rara.
• Quin biais de defensa lo coequipièr del servidor realizarà, la man fasent le signe correspond a l'adversari en fàcia (eg. man drecha pel receveire de drecha):
  • Ponh quichat: Defense a miègterren (classic)
  • 1 det: Contre per las balas lo long de la linha (ataca drecha o exteriora)
  • 2 dets: Contre per las balas en diagonala (ataca crosada)

• 
• 
• 
• 

Competicions màger

• Volèi de plaja als Jòcs olimpics
• Campionats del mond de volèi deplaja (mondial, bisannal annadas imparas)
• Campionats d'Euròpa de volèi de plaja organizats per la CEV - Confederacion europèa de volèi de plaja
  
• Swatch-FIVB Beach Volley World Tour (mondial, annal)
• AVP Pro Beach Volleyball Tour (nòrdamerican subretot, annal)

Ligams externes

• (fr) Règlas oficialas de volèi de plaja
  
• (fr) Federacion francesa de volèi de plaja
  
• (en) Site Internet de la CEV - Confederacion europèa de voleibòl
• (en) Federacion internacionala de voleibòl
• (en) Site de l'AVP