Utopia (cinèmas)

Utopia es un grop de cinèmas independents fondat per Anne-Marie Faucon e Michel Malacarnet. Es a l'ora d'ara implantat a Avinhon, Bordèu, Montpelhièr, Saint-Ouen-l'Aumône e Pontoise, Tolosa, Pont-Sainte-Marie (près Tròias) e Tornafuèlha (sèti de la societat).

Les Cinémas Utopia
Tipe	cadena de salas de cinèma
Eslogan	"Ignoti nulla cupido" mas tanben "Cinéma garanti sans 3D, ni popcorn ! "
Sèti social	Tolosa França
Societat maire	Félicité Films
Societat sòrre	La part des anges
Istòria
Creacion	1976
Fondador	Anne-Marie Faucon e Michel Malacarnet
www.cinemas-utopia.org

Utopia edita un periodic mensual, la Gazette d'Utopia, on se trapa las criticas dels filmes difusats e los oraris de las projeccions. Es disponible gratuitament dins los cinèmas Utopia.

Istoric

Aprèp que creèron e dirigiguèron lo cinèma Le 16-35 a Ais de Provença de 1971 a 1974, Anne-Marie Faucon e Michel Malacarnet inaugurèron en 1976 la primièra sala Utopia a Avinhon. Aprèp, un quinzenat d'autras vilas comptèron de cinèmas Utopia (Baiona, Paris, Tolon, Valença...). Malgrat que totes los cinèmas Utopia presenten de grandas similituds (decoracion, programacion, mesa en page de la Gazette), cadun es juridicament independent.

Objectius dels cinèmas Utopia

Los cinèmas Utopia se definisson coma un «projècte d'animacion culturala cinematografica de proximitat», vòlon atal contribuir a la diversitat culturala locala e a la creacion de ligam social.

Temptant d'escapar a la sola règla del profièch, Utopia vòl prepausar una programacion diversificada e promòure de pichons productors e distributors independents. Los cinèmas Utopia son dotats d'un budgèt publicitari flac, pasmens la tarifa de las plaças es mendre que dins las grandas societats de distribucion coma UGC o Gaumont.

Los cinèmas Utopia son tanben un luòc d'encontra amb los realizators, e de debats sus de subjèctes de societat.

Las salas

Utopia Avinhon

I a dos cinèmas Utopia a Avinhon, un a la Manutencion (4 carrièra dels escalièrs de Santa Ana) (quatre salas), l'autre a la Republica (5 carrièra Figuièra) (una sala).

Utopia Bordèu

Utopia Bordèu se trapa 5 Plaça Camille Jullian, dins l'anciana glèisa de Sant Simeon. I a cinc salas de projeccion e un pichon cafè-restaurant. Es fòrça actiu dins la vida sociala bordalesa e participa per exemple a l'organizacion del Forum social local de Gironda.

Utopia Montpelhièr

Utopia s'intallèt dins l'ancian Cinèma Diagonal Campus en mai de 2007. Situat 5 avenguda del doctor Pezet (universitat Paul Valéry), i a doas salas.

Utopia Saint-Ouen-l'Aumône e Pontoise

• A Saint-Ouen-l'Aumône (1 place Mendès France) i a cinc salas. Los espectators del cinèma an creada una associacion: (ASCUt).
• A Pontoise (14 rue Alexandre Prachay) i a una sala.

Utopia Tolosa

Utopia Toulouse es situat 24 carrièra Montardin (dins l'ancian cinèma le Rio, (M° Capitòli i a tres salas.

Utopia Tornafuèlha

Utopia Tornafuèlha (Androna del Castèl) i a quatre salas e un restaurant.

Vejatz tanben

Bibliografia

• (fr)Olivier Alexandre, Utopia - A la recherche d'un cinéma alternatif, Coll. Logiques sociales, L'Harmattan, Paris, 2007.

Ligams extèrnes

• Site dels cinèmas Utopia

• Wikidata: Q3552766
• Multimedia: Utopia (cinema)