Teodòr24800

Bonjorn ,

Sei Teodòr 24800, 24800 es l'indicatiu postau de la vilòta ente ai reçaubut los prumiers rudiments d'educacion, la vila de Tivier dins l'Ennaut(lo Nòrd) dau departament de Dordonha, region Aquitania, e de la provincia istorica dau Perigòrd rasi lo Lemosin. Sei un contributor de lenga occitana, subretot segon lo parlar lemosin naturalament practicat mentr'un temps de mila annadas dins lo Perigòrd ditz "Perigòrd Verd", a Periguers, ma vila de naissença, Ribeirac, Terrasson la Viladiu, Montinhac luòc de lenga o linga occitana lemosina e cinc'au limites de Sarlat e de Brageirac (Sarlades e Brageiragues) ente se parla maileu un occitan lengadocian dau Nord de la Guïena.

Aura io demòre tortjorn dins la mesma region d'Aquitania, dins lo Bearn, e particularament dins la vila de Pau e ranvers ente trabalhe, de lenga occitana segon los parlars gascons.

Parle, escrive occitan, d'en prumier lemosin mas tanben gascon (bearnés) e lengadocian, lo lengadocian que me serv de reférencia quante parle de subjects en defòra dau maine dau Perigòrd e dau Lemosin que constituen mon emmòtle culturau e linguistic d'origina.

Parle tanben catalan, espanhòu un pauc, e romanes (la lenga romana,romanes, es a dire limba româna), pòde comunicar ed eschamnhar en portugues, italian e angles.

Dins la vita vitanta sei un professionau de santat, passionat per la problematica de la locomocion umana (podologia , posturologia, deambulacion...) e d'autres costats ai estudiats lengas e linguistica per curiositat intelectuala (diploma de l'INALCO en lenga romana, estudis de linguistica a ParisIII).Dins d'autres maines m'ocupe de monde desabilitats coma si ditz maitot per designar lo handicap dins las fonccions de la vita vitanta... entau me sei mainat de mantener un lijam de coneissença tant que de practica tant dins lo maine de la postura umana, la posturologia e l'ergonomia per adaptar lo mejan ambient a l'activitat.

L'occitan , que que sia es 'na lenga ente podem parlar de tot emai d'un subject que que sia , de l'acrosticha au peripata d'Amazonia, l'ocasion de zo far es plan brave e n'esitarai pas de zo far de mai en mai tan que podrai... E d'estar corregit per lo meu mai grand plaser car , coma diria lo grand Montaigne, un perigordenc que se prenia per un gascon en tut escriure en frances...que sais-je o que te sabe mai?