Torre Eiffel
La Torre Eiffel (Tour Eiffel en francés) es una estructura concebuda e dessenhada per l'engenhaire francés Gustave Eiffel a l'ocasion de l'Exposicion Universala de 1889 a París (França).
 | |||||||||
| Donadas | |||||||||
|---|---|---|---|---|---|---|---|---|---|
| Tipe | Torre de trelís, torre d'observacion, atraccion toristica e amira  | ||||||||
| Part de | ribas de la Sèina a París | ||||||||
| Arquitècte | Stephen Sauvestre (ca)  | ||||||||
| Constructor | Gustave Eiffel | ||||||||
| Engenhaire | Émile Nouguier (ca) e Maurice Koechlin (ca) | ||||||||
| Construccion | 28 de genièr de 1887 e 31 de març de 1889 | ||||||||
| Inauguracion | 31 de març de 1889 e 15 de mai de 1889 | ||||||||
| Foncion | atraccion toristica | ||||||||
| Caracteristicas | |||||||||
| Material | fèrre fargat, acièr e ferro pudelat (ca) | ||||||||
| Dimensions | auçada maxima: 330 ( ) × 324 () m auçada arquitectonica: 300 ( ) m | ||||||||
| Estanças | 3 | ||||||||
| Ascensors | 8 | ||||||||
| Localizacion geografica | |||||||||
| Estat | França | ||||||||
| Intercomunalitat | Metropòli del Grand París | ||||||||
| Collectivitat territoriala francesa amb estatut especial | París | ||||||||
| Districte municipal | VII arrondiment de París | ||||||||
| Localizacion | Camp de Mart | ||||||||
 | |||||||||
| monument istoric inscrit (1964) punt històric de l'enginyeria civil (ca) | |||||||||
| |||||||||
| Site web | toureiffel.paris | ||||||||
    | |||||||||
.jpg)
Construïda en plena controvèrsia amb los artistas de l'epòca, que la percebián coma un mostre d'acièr, es considerada coma lo simbòl màger de l'Estat francés e subretot de la vila de París. Es lo monument mai visitat del mond.
Caracteristicas tecnicas
modificarLa Torre es nauta de 300 m. Amb l'antena de ràdio qu'es a sa cima, la torre arriba a mesurar 324 m. Quand foguèt bastida, la Torre pesava aperaquí 7300 tonas, a mai se uèi se calcula que son pes passa 10 000 tonas (per encausa del musèu, dels restaurants e de las botigas que encabís actualament). Èra previst que la torre arribèsse a 350 m, mas los vesins èran espantats (de paur qu'un edifici talament naut e bastit sens pèiras poguèsse tombar) e se manifestèron, provocant un cambiament dins los plans. Los 24 darrièrs mètres correspondon a una antena de ràdio que foguèt aponduda plan mai tard.
(Situacion geografica 48º 51' 29,04" N; 2º 17' 40,10" E)
En foncion de la temperatura ambienta, la cima de la Torre Eiffel se pòt sarrar o alunhar del sòl de gaireben 8 cm, per encausa que la dilatacion termica del metal que la vertèbra. Segon lo site oficial del monument, per aténher la cima cal montar 1665 escalons (e non pas 1792, nombre que d'unes creson cèrt en allusion a l'annada de la Primièra Republica Francesa).
Lo manteniment de la torre demanda l'aplicacion de 50 t de pintura cada sèt ans, pr'amor de la protegir de la corrosion. Qualques vegadas, la color de la pintura se càmbia, a mai se en (2005) la torre aguèt una tonalitat parda. Al primièr nivèl, i a de consòlas que permeton de votar per la causida de la futura color de l'estructura. La color originala de la torre èra lo jaune, a mai se actualament demòra pas res d'el.
Istòria
modificarL'estructura se construiguèt entre 1887 e 1889 pr'amor que venguèsse arca de dintrada de l'Exposicion Universala, una fièra mondiala organizada per commemorar lo centenari de la Revolucion Francesa. La torre foguèt inaugurada lo 31 de març de 1889, e foguèt dobèrta al public lo 6 de mai d'aquela annada.
Gaireben 200 obrièrs uniguèron 18 038 pèças de fèrre, en emplegar dos milions e mièg de bolons, e en seguir lo dessenh estructural de Maurice Koechlin.
Per encausa de la proximitat del flum e de la natura del sòl sos cements an, a una de sus pautas, una prigondor de 30 mètres.
En diferéncia dels gratacèls modèrnes, la torre ten una estructura dobèrta sens nivèls intermediaris, se fasèm excepcion de sas doas plataformas. Malgrat las precaucions immensas d'Eiffel devèrs sos obrièrs (que inclusián l'emplec d'arneses), un d'eles tombèt durant l'installacion dels ascensors. Coma anecdòta, cal notar que l'engenhaire francés Gustave Eiffel presentèt d'en primièr son projècte de torre als responsables de la Comuna de Barcelona, per que la torre siá construida a Barcelona a l'ocasion de l'Exposicion Universala de Barcelona (1888). Mas un projècte aital semblèt als responsables de la comuna barcelonesa una construccion estranha e cara, que convendriá pas ges a l'arquitectura de la vila. Aprèp la responsa negativa de las autoritats de la ciutat, Eiffel presentèt son projècte als responsables de l'Exposicion Universala de París, que se faguèt un an mai tard, en 1889. Aqueles acceptèron de bastir la torre, malgrat que a la debuta pensèssen que se deuriá desmontar un còp s'acabèsse l'exposicion. Sonque la volontat populara evitèt que se tombèsse.
Vejatz tanben
modificarLigams extèrnes
modificar- Sit oficial (en francés)
- Guida per visitar la Torre Eiffel
- Informacion sus la Torre Eiffel
- Fotografías - Torre Eiffel
- Gustave Eiffel
- Torre Eiffel - Fotografias
- Vidèos de la Torre Eiffel
- Torre Eiffel Webcams
- Fotografias e Vidèos de la Torre Eiffel
- Fotografias de la Torre Eiffel
- Fotografias de la Torre Eiffel (francés)