Stradivarius Lady Blunt

Lo Lady Blunt qu'ei un vriulon d'Antonio Stradivari que pòrta lo nom d'un deus sons proprietaris, Anne Blunt, qui a despart de jogar de vriulon, qu'eslhevava chivaus. Que l'avèva crompat au gran laütièr francés Jean-Baptiste Vuillaume, qui'u adobè lo manjo (com aquò e's he entà casi tots los instruments pervienuts desempuish las tempsadas barròcas) e lo provesí deu son cordièr e de las soas cavilhas actualas.

Lo Lady Blunt

Que cambiè successivament de prorietaris e de colleccions e, en 1971 en çò de Sotheby's, que passè lo recòrd de venta dab 84 000 liuras sterlings, puish en 2008 la Nippon Music Foundation que'u crompè per 10 milions de dollars ; que'u tornè véner totun en solidaritat dab las victimas deu terratrèm e deu tsunami au Japon en 2011.

Amassa dab lo Messia, qu'ei un deus dus stradivarius conservats dens un estat nau, quasi pas jamei tocat.