Elon Musk
Elon Reeve Musk (Pretòria, Africa del Sud, 28 de junh de 1971) es un entrepreneire e engnhaire d'origina sud-africana naturalizat canadian en 1988 puèi american en 2002. Viu actualament a Los Angeles. Es lo PDG e director de la tecnologia de la societat SpaceX, PDG, director arquitectura produch de la sociétat Tesla, Inc., e ancian president del conselh d'administracion de la societat SolarCity. Es tanben lo fondador de The Boring Company, una societat de construccion de tunèl. Es lo cofondador de Zip2 e foguèt un dels principals dirigents de X.com, que fusionèt amb Confinity e prenguèt lo nom de Paypal.
En 2015, cofondèt e copresidèt OpenAI, una associacion de recerca de tòca non lucrativa en intelligéncia artificiala que l'objectiu es de promòure e desvolopar una intelligéncia artificiala open-source beneficiant a l'umanitat tota entièra. Musk declarèt que los objectius de SolarCity, Tesla, Inc. e SpaceX son lo rebat de sa vision de cambiar lo Monde e l'umanitat[1]. Sas tòcas incluson de reduire lo rescalfament climatic per la produccion e la consomacion d'energia durabla e reduire lo risc de l'extinction de l'umanitat en crear una vida multiplanetària per l'establiment d'una colonia umana sus Mart[2]. En mai de sas activitats comercialas, imaginèt un mejan de transpòrt de granda velocitat conegut jol nom d'Hyperloop[3] e a proposèt un avion de reaccion supersonic d'enlairament e aterratge verticals amb propulsion electrica[4].