Rodín Kaufmann

cantaire e musician occitan
(Redirigit dempuèi Rodin Kaufmann)

Rodín Kaufmann (nascut en Alemanha lo 19 de julh de 1980) es un cantaire e musician occitan dau barri de La Plana de Marselha. Fa part dau grope Lo Còr de la Plana. Es tanben sòci actiu de l'associacien Ostau dau País Marselhés dempuei leis annadas 2000. Estudièt leis arts de l'espectacle a l'Universitat de Provença (ara Universitat Ais-Marselha).

Rodín en concèrt au SMAC de Nimes Metropòli / Paloma lo 24 de julhet 2022

Biografia modificar

Enfància, formacion, percors modificar

En èu ressona lo percors de ses gents. De grands artisans li an transmes lo gost de l’obratge menequet. Una maire regenta provençala li a donat l’amor dei letras, un paire alemand musicaire, comedian e regissor de Fassbinder li a mostrat lei camins de l’aventura de l’esperit.

Son enfança viatjarèla, Marròc, Egipte e Liban, l’an rendut poliglòt e curiós deis autres e de sei culturas. A Salé rodín es marcat per lei musicians gnauà, que son paire enregistra una musica ibrida e electronica emb’ elei. Au Caire pren lo hip hop en plena cara e monta una còla de DJ. A Beirot practica lo grafiti e descuerbe la musica occitana.

De retorn a Marselha apren lo provençau e rescontra Denis Sampieri e Manu Barthélemy. Lei tres amics cantaires rejonhonlo Còr de la Plana en 2001. Au sen dau còr polifonic e percussiu rodín traversa doas decennias pontuadas de tres albums e de concèrts internationaus dins de festenaus e de salas prestigiosas (Womad, Olympia, Carnegie Hall… ).

Entanterin son univers pren forma. L’imaginari sempre amolat aquista la mestria deis instruments e otís de produccion musicala e aquela dei tecnicas de dessenh, de gravadura, d’estampariá vò de tatoage.

En 2013 rodín monta lo label Pantais Recòrds per produrre un promier single: Indignats, en duò embé Citizen Chance, rappaire de Brooklyn. Multiplica lei projèctes : Sorn, 5 cantaires que tòrnan interpretar de cants funèbres de Nauta Provènça collectats au sègle 19 sus fond de percussion de pèiras e de boita a bordon, Uèi onte un apareilhatge electronic espectaclós renfòrça lei vòtz e lo picar de 4 musicaires engatjats. En 2015 a la demanda dau Cirdoc, rodín présente “Claus Sens Clau” presenta “Claus Sens Clau” sa promiera mòstra que mescla dessenhs, videòs, installacion, pegatges, serigrafia e creacion sonora.

En 2021 sortiguèt son album manifèst Pantais Clus.


Vejatz tanben modificar

Ligams extèrnes modificar

Biografia Rodín

Nòtas & referéncias modificar

Lo contengut d'aquest article ven en grand partida dau site de la Companhia Neblum, precisament de la pagina de l'artista susmencionat.