Rodés Aglomeracion
|
Rodés Aglomeracion
| |
|---|---|
| |
| País |  França
|
| Region | Occitània 
|
| Departament | Avairon |
| Nb. comunas | 8 |
| Caplòc | Rodés |
| Superfícia | 205,30 km² |
| Populacion | 55 851 hab. (2018) |
| Densitat | 272 ab./km² |
| Data de créacion | 20 de decembre de 1999 |
| President | Christian Teyssèdre (LREM, cònsol de Rodés) |
| Budget | 63 M € (2014) |
| Sit web | https://www.rodezagglo.fr/ |
Rodés Aglomeracion, ancianament comunautat d'aglomeracion del Grand Rodés, es una intercomunalitat [1],[2] roergassa, situada dins lo departament d'Avairon e la region d'Occitània, ancianament de Miègjorn-Pirenèus. Son còdi SIREN es 241 200 187.
La lenga autoctòna es l'occitan lengadocian roergàs.
Istòria
modificarLo districte del Grand Rodés se creèt lo 25 d'aost de 1964, puèi se mudèt en comunautat d'aglomeracion en decembre de 1999 [3],[1].
Lo conselh de comunautat decidiguèt d'abandonar en 2015 l'anciana denominacion « comunautat d'aglomeracion del Grand Rodés » per una pas tan pesuga : « Rodés Aglomeracion ».
L'intercomunalitat se creèt un conselh de desvolopament en febrièr de 2001, amassada consultativa de 70 sòcis que representan l'ensemble de la societat civila e qu'a per visada de soscar al projècte d'aglomeracion.
Lo 1èr de genièr de 2014, las comunas de La Barraca de Fraisse, Manhac e Cambolaset, de la comunautat de comunas del País Barraquièr, abandonan aquela comunautat en la metent en perilh financièr e dintran dins la comunautat d'aglomeracion[4], puèi fan enrè lo 1èr de genièr de 2016 [5].
En seguida de la fusion de Druèla e de Balsac lo 1èr de genièr de 2017, l'ensemble de la comuna novèla de Druèla e Balsac dintra dins l'intercomunalitat[6].
Composicion
modificarLo territòri de l'intercomunalitat correspondiá entrò 2016 als tres ancians cantons de Rodés (Rodés Èst, Rodés Oèst, Rodés Nòrd), puèi amb la fusion de Druèla e Balsac, aquela darrèra comuna del canton de Marcilhac (Valon) abans 2015, s'i ajustèt.
| Nom | Còdi INSEE | Superficia
(km²) |
Populacion | Densitat
(ab/km²) |
Canton 2015 |
|---|---|---|---|---|---|
| Druèla e Balsac | 12090 | 51,25 | 3180 (2018) | 62,05 | Lo Valon |
| Luc e la Primauba | 12133 | 26,85 | 5987 (2018) | 222,98 | Nòrd Leveson (burèu centralizator) |
| Lo Monestire | 12146 | 6,73 | 2276 (2018) | 338,19 | Rodés-2 |
| Olemps | 12174 | 12,79 | 3425 (2018) | 267,79 | Nòrd Leveson |
| Ònes | 12176 | 40,2 | 11659 (2018) | 290,02 | Rodés Ònes |
| Rodés | 12202 | 11,18 | 24319 (2018) | 2 175,22 | Rodés-1, Rodés-2, Rodés Ònes |
| Sebasac | 12264 | 25,82 | 3260 (2018) | 126,26 | Lo Causse Comtal (burèu centralizator) |
| Senta Rasigonda | 12241 | 30,48 | 1745 (2018) | 57,25 | Nòrd Leveson |
Veire tanben
modificar
Nòtas
modificar- ↑ 1,0 et 1,1 [1] Ficha Banatic
- ↑ [2] Ficha INSEE
- ↑ « Arrestat prefectoral n°99-2421 del 20 de decembre de 1999 que decidís de la transformacion del districte del Grand Rodés en comunautat d'aglomeracion », visat a l'arrestat prefectoral n°2013112-0012 que pòrta espandiment del périmètre de la communauté d'agglomération du Grand Rodez
- ↑ https://web.archive.org/web/20140714194639/http://www.aveyron.territorial.gouv.fr/actes3/files/fichieracte51965.pdf
- ↑ [3]
- ↑ Arrestat n° 12-2017-01-11-002 del 11 de genièr de 2017 https://web.archive.org/web/20170202012510/http://www.aveyron.gouv.fr/IMG/pdf/recueil-12-2017-008-special-janvier.pdf , Préfecture de l'Aveyron, p 19-22
