Perqué m'an pas dit

cançon cantada per Claudi Martí

Perqué m'an pas dit es una cançon de Claudi Martí en lenga occitana :

Coma totis los mainatges
Soi anat a l'escòla
Coma totis los mainatges
M'an aprés a legir

M'an cantat plen de cançons
M'aprenguèron tant d'istòrias
Lutèce... Paris... Paris

Mas perqué, perqué
M'an pas dit a l'escòla
Perqué m'an pas dit
Mas perqué, perqué
M'an pas dit a l'escòla
Lo nom de mon païs ?

Nos contava lo regent
Aquel grand rei de França
Acatat davant los paures
Un sant òme aquel sant Loïs
Aimava tota la gent
E voliá pas la misèria
Un sant òme aquel sant Loïs

Mas perqué, perqué
M'an pas dit a l'escòla
Perqué m'an pas dit
Mas perqué, perqué
M'an pas dit a l'escòla
Qu'aviá tuat mon païs ?

E quand foguèrem mai grands
Nos calguèt parlar tres lengas
Per far un bon tecnician
Nos caliá cargar tres lengas
E l'Anglès e l'Alemand
E çò que s'escriu a Roma
Per far un bon tecnician

Mas perqué, perqué
M'an pas dit a l'escòla
Perqué m'an pas dit
Mas perqué, perqué
M'an pas dit a l'escòla
La lenga de mon païs ?

Benlèu tantas coneissenças
Nos mascan la vertat
Aprendrem sols qu'en la tèrra
Reina pas la libertat
Sauprem la talent de l'India
E lo dòl dels Africans
E la mòrt de Guevara

Mas perqué, perqué
An pas dit a l'escòla
Perqué an pas dit
Mas perqué, perqué
An pas dit a l'escòla
Lo nom de nòstre pais ?