Pèire Boissière

poèta e cantaire, defensor de la lenga occitana e de sa cultura

Pèire Boissière, mòrt lo 8 de genièr de 2022 a Gavaudun (47) a l’age de 77 ans, èra un poèta e cantaire, defensor de la lenga occitana e de sa cultura. Èra tanben contaire e factor de joguets sonòrs vegetals e de jòcs tradicionals.

Pèire Boissièra

Biografia modificar

Engenhaire agronòm de formacion, trabalhèt en America Centrala quand èra jove, puèi dins l’ensenhament agricòla, abans de se consacrar sonque a son art.

Dins las annadas 70, faguèt de collectatges de cants tradicionals en Auvèrnha, Agenés e Gascoha[1]. Puèi comencèt de los cantar. Son repertòri s’espandèt amb de tèxtes de trobadors, de romanças judeo-espanholas e catalanas, de poèmas en occitan qu’aviá mes en musica (16e, 17e, 19e), de corridos mexicans e de cançons francesas (Bobby Lapointe, Charles Trenet…) [2].

 
Pèire Boissièra conta a l'EOE en 2016


Animator de l’Escòla Occitana d’Estiu pendent una trentenada d’annadas e president dins las annadas 2010, faguèt tanben de conferéncias toponimicas dins l’encastre de la «Quinzaine Occitane du Lot-et-Garonne» pendent d’annadas.

S’engatgèt dins l’occitanisme politic al Partit Occitan. Foguèt conse de Lacaussade de 1995 a 2001 puèi adjunt al conse de Gavaudun.

Discografia modificar

  • 1999 Cap Negra
  • 2006 Margarida
  • 2019 De tout un pauc

Referéncias modificar

  1. https://sondaqui.com/oc/catalogue-regionau?q=boissière
  2. https://lafeuilleamta.fr/events/soiree-chant-avec-pierre-boissiere