Naruto Uzumaki

Naruto Uzumaki (en japonés: うずまき ナルト) es lo personatge principal del manga Naruto, creat per Masashi Kishimoto. Dins la sèria Naruto es un jove ninja del vilatge de Konoha. Òste del demòni rainal a nòu coas, una creatura qu'a atacat lo vilatge pel passat, es regetat pels autres vilatgeses. Son ambicion es de venir Hokage, lo cap del vilatge, per tal de ganhar lo respècte dels abitants.

De caractèr gaujós e determinat, arriba al fil de la seria a se far amic de mantunas ninjas del vilatge e tot particularament amb Sasuke Uchiwa, que considèra coma son fraire e rival. A mesura de sa progression dins la seria, arriba a se far acceptar pels abitants del vilatge, fins a venir un eròi per eles après los aver protegits. Acaba per realizar son sòmi en venent lo seten Hokage.

Naruto es present dins l'ensemble dels produches derivats de la seria coma los films e los OAV e fa l'objècte d'un merchandising important. Apareis dins totes los generics d'obertura e dins quasi los de la fin de tot l'anima.

Recebèt de bonas criticas de la part dels sits especializats dins l'anima, lo manga o encara lo videojòc, malgrat que siá lo mai sovent comparable a d'autres eròis del genre. Naruto recebèt egalament un bon acuèlh del public que lo plaça demest los personatges mai populars de la seria dins los sondatges.