Maseròlas (Charanta)

Pels articles omonims, vejatz Maseròlas (omonimia).

Maseròlas^[1]^[2]^[3]^[4] (Mazerolles en francés) es una comuna lemosina, situada dins lo departament de Charanta e la region de Novela Aquitània, ancianament de Peitau-Charantas.

Maseròlas
Mazerolles

L'egleisa de Maseròlas.

Geografia fisica

Coordenadas

45° 44′ 54″ N, 0° 32′ 05″ E

Superfícia

17,45 km²

Altituds
· Maximala
· Minimala

353 m
207 m

Geografia politica

Region istorica

Lemosin

Parçan

País d'Òrta e Tardoire,
Charanta Lemosina

França

Michel Coq (2014-2020)

Geografia umana

Populacion
Populacion totala
(2013)

329 ab.

Evolucion de la populacion

337 ab.

Densitat

18,85 ab./km²

Autras informacions

Gentilici

Mazerollois (en francés)

Còde postal

16310

Còde INSEE

16213

Segon Xavier Lansade, lo parlar de la comuna es lo lemosin^[2].

Geografia modificar

Comunas limitròfas modificar

Comunas confrontantas de **Maseròlas**
Sent Aitòre	Montembuòu
Ivrac e Maleirand		Lo Lindois
Orjaduelh	Montberol	Rauseda

Toponimia modificar

Las atestacions ancianas son, per luec:

- ^[5]; au segle XVIII (Cassini)^[6].

Istòria modificar

Partida eissida de l'article francés

Una viá anciana, gallesa e romana, d'Engolesme a Limòtges, dicha lo chamin daus Anglés, montava de Vilonor e junhava la viá Agripa (de Santas a Lion) près de Mausom. Passava sus la cresta. Pas luenh dau Mas, a Chastelar, pres de la viá, se trobava un exploratorium roman, que um podiá encara veire de vestigis au segle XIX.^[7]^,^[8]

Au borg de Maseròlas, trobem un tumulus conic emb de larges besaus, que seriá una gleva feudala qu'auriá servit a protegir lo chasteu desaparegut pres de lo quau se trobava plaçada.^[9]^,^[10]

Los mai ancians registres parrofiaus remontan pas avant 1737.^[11]

Sos lo Regim Ancian, Maseròlas fasiá partida emb las parrofias de Suaus, Cherves, Chastelar e Rauseda de la baroniá de *Manteresse, qu'apertenguet a *Étienne Chérade, comte de Montberol e de Marton.^[12]

Lo territòri de la comuna comportava daus depaus superficiaus de fer a l'imatge de çò qu'um retròba dins l'èst dau departament o dins la zòna limitròfa emb lo Lemosin. Una fòrja foncionent a partir de l'energia idraulica disponibla per lo debit creat en sortida d'un raseu d'estanhs artificiaus es atestada sur lo vilatge daus *Faiards au segle XIX.^[13]

Pendent la primiera mitat dau segle XX, la comuna era desservida per la pita linha ferroviària d'interes locau, a viá metrica, daus Chamins de fer economics de las Charantas qu'anava d'Engolesme a Romasieras per Montberol 'pelada lo Petit Mairat. La gara era a 1,5 km dau borg.^[11]

Administracion modificar

Lista daus maires modificar

La mairariá de Maseròlas.

Lista daus maires successius
Periòde		Identitat	Qualitat
2008	2020	Michel Coq	Traductor tecnic
març de 2001	2008	Roger Trichard	Engenhaire tecnician
Totas las donadas son pas encara conegudas.

Intercomunalitat modificar

Roge: La CC de Charanta Lemosina dins Charanta
A. Frontiera òc/oïl
B. Comunas occitanas
C. Comunas emb un bocin occitan
D. Comunas peitavinas-sentongesas

Dempuèi lo 1er de janvier de 2017, Maseròlas fai partida de la Comunautat de comunas de Charanta Lemosina. Avant la fusion d'intercomunalitats que fòrmen la Charanta Lemosina, la comuna fasiá partida de la Comunautat de comunas de Nauta Charanta.