Odobenus rosmarus

(Redirigit dempuèi Mòrsa)

La mòrsa (Odobenus rosmarus) es un grand e placid mamifèr vivent dins lo nòrd de l'Atlantic e del Pacific (mar de Bering). Las mòrsas vivon dins las mars articas sus d'icebèrgs e d'illas.

Las defensas de la mòrsa se compausan d'evòri e fòrman una arma fòrça dissuasiva. Lor servisson tant plan de pic de glaç coma de pigassa.

Las mòrsas se noirisson sustot de peissum, de molluscs e d'autres invertebrats marins.

Descripcion fisica modificar

Pes modificar

  • Lo mascle pesa de 795 a 1210 kg.
  • La femèla pesa entre 560 e 830 kg.

Talha de las defensas de la mòrsa modificar

  • Lo mascle : 1 m.
  • La femèla : 50 cm.

Talha modificar

  • Lo mascle mesura entre 2,90 e 3,20 m.
  • La femèla mesura entre 2,50 e 2,70 m.

Reproduccion modificar

Los mascles dominants constituisson d'arèms constituits de mantuna femèla, que susvelhan gelosament. Lo mascle es alara fòrt territorial. Tota temptativa d'un autre mascle de penetrar sus son territòri entrainarà un combat, de còps que i a violentàs.

Los acoblaments e las jacinas an luòc sus la tèrra fèrma o sus una banquisa. Lo periòde de gestacion es de 15 meses çò la mòrsa e la sason de reproduccion va de decembre a març.

Las mòrsas atenhon lor maturitat sexuala vèrs l'edat de sièis ans. A partir d'aquesta edat, la femèla dona generalament naissença a un pichon cada tres ans. Las naissenças an luòc a la prima.

Los pichons pesan en mejana 55 kg a la naissença, e mesuran 1,2 m. Son gris argentat, mas prenon rapidament lor color bruna definitiva.

Noiridura modificar

Las mòrsas se noirisson sustot de peisses, de mollusques e autres invertebrats marins. Excepcionalament, de mòrsas son estadas vistas tuant e manjant de fòcas[1]. Dins l'estomac de certanas, s'es retrobat las rèstas de congenères pus pichons[2].

La preferéncia de las mòrsas pels invertebrats explica qu'abiten sustot d'aigas costièras pauc pregondas. La mòrsa es a aqueste títol plan mens pelagica que d'autras espècias de pinnipèdes, coma l'elefant de mar, per exemple.

Nòtas e referéncias modificar

  1. Filmat dins un documentari alemand de Sigurd Tesche, produch en 2005.
  2. D'aprèp un documentari alemand de Sigurd Tesche, produch en 2005.

Ligams extèrnes modificar