Lengas vanuatu del nòrd
Las lengas vanuatu del nòrd son un grop de lengas oceanianas parladas a Vanuatu. Las lengas son parladas dins las illas Torres, las illas Banks, a Espiritu Santo e sus l'illa de Pentecòsta.
Lengas vanuatu del nòrd
| |
---|---|
las lengas vanuatu del nòrd fan partida de las lengas oceanianas del sud | |
Geografia | |
País | Vanuatu |
Region | Oceania |
Classificacion | |
Familha | lengas austronesianas lengas malaiopolinesianas malaiopolinesian centreoriental malaiopolinesian oriental lengas oceanianas oceanian central oriental lengas oceanianas del sud vanuatu del nòrd |
Classificacion modificar
Lo vanuatu del nòrd es una branca de las lengas oceanianas del sud, perpausada per Lynch, Ross e Crowley (2002)[1].
La classificacion intèrna del vanuatu del nòrd es[1]:
- lengas banks-torres
- lengas santo del nòrd-oèst
- lengas santo del sud-oèst
- sakao
- lengas santo de l'èst
- lengas ambae-maewo
L'ipotèsi del vanuatu nòrd-central modificar
Clark (2009)[2] amassa lo vanuatu del nòrd amb lo vanuatu central e l'epi-efate dins un grop sonat las lengas vanuatu del nòrd-central. Seguís la proposion de las lengas hebridèas del nòrd de Pawley (1972), una ipotèsi anciana ja evocada per Ray, Capell e Grace al sègle XX[3].
Lynch (2018) dobta fortament de la validitat d'aquel grop. Clark reconstruís un protovanuatu nòrd-central, que Lynch estima èsser en fach tan pròche del protooceanian, que la possibilitat d'un grop vanuatu nòrd-central n'es d'un biais fondamental afeblida. De mai las innovacions comunas que Clark dona per justificar lo ligam entre las lengas del nòrd e del centre, se tròban pas dins totas la lengas, çò qu'invalida l'ipotèsi d'una origina comuna[4].
Referéncias modificar
Fonts modificar
- (en) John Lynch, Malcolm Ross, Terry Crowley, 2002, The Oceanic Languages, Curzon Language Family Series, Richmond, Curzon Press.
- (en) John Lynch, 2018, Final Consonants and the Status of Proto-North-Central Vanuatu, Language & Linguistics in Melanesia, Journal of the Linguistic Society of Papua New Guinea 36, p. 14-24.