Joan Francés Fulcònis
Joan Francés Fulconis (Johan Frances Fulconis dins la grafia de l'autor ; Lieusola, ca 1520) foguèt un matematician niçard autor dau tractat La cisterna fulcronica, estampat a Lion en 1562 e escrich en lenga occitana.
La Cisterna foguèt editada e ampliament estudiada (scientificament mai tanben d'un ponch vista biografic, istoric e societau) dins l'edicion de Rogier Rocca e Romieg Gasiglia. Dau tèxte, se pòt dedurre que Fulconis èra un Niçard originari de Lieusola. Possedís mantuna referéncia, subretot grègas e aràbias e a legit lo Compendion de l'Abaco de Francés Pelós (dona, de còps que i a, lei mesmeis exemples numerics que pòdon pas èsser lo fruch de l'azard) mai sensa lo citar.
La Cisterna foguèt escricha coma una aisina fòrça practica e concreta per lo comèrci (per oposicion au Compendion mai teoric). Sei exemples son donc fòrça concrets e una illustracion de la vida vidanta e de l'economia de Niça e de l'epòca.
Edition modificar
- Fulconis, Jouan-Francés. La Cisterna fulcronica. Niça : Lou Sourgentin, 1996.
