Grendel es un personatge del poèma anglo-saxon Beowulf. Aqueste mostre es lo primièr antagonista de l’eròi Beowulf.

Un representacion de Grendel per J. R. Skelton dins l'obatge de Henrietta Elizabeth Marshall Stories of Beowulf (1908).

IstòriaModificar

Grendel es un descendent de Caín, lo primièr murtrièr segon la Bíblia. Dempuèi sa tuna, situada dins un paluns, entend las cançons e los rires de la cort del rei danés Hrothgar, çò que l’enrabia. Ataca Heorot, lo palais de Hrothgar, e tua mai d’un de sos guerrièrs. Pas un d’asuestes se pòt mesurar a sa fòrça subrumana, tant mai que las espasas lo pòdon pas ferrir, e Heorot acaba per èsser abandonada.

Avent entendut parlar de la situacion, le Geat Beowulf se prepausa de venir en ajuda a Hrothgar e passa la nuèch dins Heorot amb sos companhs. Quand Grendel arriba, una violenta luta a mans comença entre Beowulf e el. Lo Geat ne sortís fin finala venceire e arranca un braç del mostre, que fugís brmant cap a sa tuta. Una granda fèsta se debana alara, e lo braç de Grendel es clavelat als cabirons de Heorot. L’endeman, Eschere, un conselher de Hrothgar, es tuat: es la maire de Grendel, venguda venjar son filh. Serà lo segond adversari de Beowulf.

EtimologiaModificar

L'etimologia del nom Grendel es pas segura. Seriá ligat a grind (« brigalhar »).

BibliografiaModificar

  • (en) Philip Cardew, « Grendel : Bordering the Human », dans Tom Shippey (dir.), The Shadow-Walkers : Jacob Grimm's Mythology of the Monstrous, Turnhout / Tempe (Arizona), Brepols / Arizona center for Medieval and Renaissance studies, coll. « Medieval and Renaissance texts and studies / Arizona studies in the Middle Ages and Renaissance » (no 291 / 14), 2005, X-433 p. (ISBN 978-0-86698-334-1, 0-86698-334-1 et 2-503-52094-4), p. 189–205.