Industrial Workers of the World —Trabalhadors Industrials del Mond— (IWW o los Wobblies) es un sindicat fondat als Estats Units d'America que s'organiza suls principis del sindicalisme revolucionari.

Wobblies dins una manifestacion a Seattle (2007)

Istòria modificar

L'IWW nasquèt lo 27 de junh de 1905 dins un congrès constitutiu organizat a Chicago. Darrièr la fondacion del sindicat i èra lo socialista Eugene V. Debs, Cap del Socialist Party of America, volent dispausar d'una centrala sindicala de classa fòrta, amb de practicas fòrça mai revolucionàrias e politicas que los autres dos grands sindicats del moment: l'American Federation of Labour e lo Congress of Industrial Organizations, caracterizats per de practicas reformistas. Los membres se donèron lo nom de Wobblies.

Al començament, l'IWW se mostrèt fòrça combativa e organizèt de grandas caumas dins la decennia de 1910 als Estats Units. Totum, amb son pes arribèt a obténer lo refús de l'intrada dels Estats Units a la Primièra Guèrra Mondiala, amb l'arrèst de la majoritat de los seus quadres que foguèron mai tard accusat de traïson. Vèrs l'an 1923 aviá unes 100.000 membres e influenciant près 300.000 trabalhadors.

 
Lo Gat Negre (emblema de l'IWW)

Organizacion modificar

L'IWW es una centrala sindicala de teoria sindicalista revolucionària que plaideja per èsser lo sindicat orizontal e del proletariat del mond. Pasmens s'es encara un sindicat anglosaxon, constituiguèt de seccions dins los païses occidentals, las mai importantas son en Alemanha, Australia, Canadà e Grand Bretanha.

Malgrat que jamai cap de document constitutiu del sindicat i fa referéncia, la centrala sindicala se caracteriza per èsser una organizacion pròche a la tradicion anarcosindicalista dels Estats Units. Cal prene en compte qu'una de las ideologias dominantas dels membres èra, istoricament, l'anarquisme tot coma lo socialisme las qu'avián coma objectiu comun l'abolicion del capitalisme. Encara uèi mòstra un certa fisança sus la lucha politica qu'en tot cas li cal èsser subordonada a la lucha economica. Un exemple de l'existéncia del corrent libertari (dintre las diferentas ideologias) es la militança de Noam Chomsky al sindicat.[1]

Referéncias modificar

  1. PDF Sindicalismo revolucionario in www.enxarxa.com

Vejatz tanben modificar

Ligams extèrnes modificar