Lo Velcro es un material textil que consistís en doas bendas recobèrtas caduna d'una textura diferenta, permetent, que quand se meton en contacte, d'obtenir sul còp un ligam amovible. Foguèt inventat accidentalament per Georges de Mestral, un engenhaire soís. Marca depausada per la Velcro International BV (basada a Amsterdam) pel mond entièr. La societat Velcro, propriária de la marca, ensajèt, sens capitar, a s'opausar a l'usatge del nom de la marca coma nom generic[1].

Las doas partidas d'un velcro

Istòria modificar

 
Pichons croquets sul gafaròt, fruch de la laparassa.

La benda autoagafanta foguèt inventada per serendipitat en 1941 per Georges de Mestral[2]. L'idèa li est venguèt tornant d'una passetjada al camp, remarcant qu'èra gaire aisit de levar los gafaròts de laparassa arrapats als vestits e al pel de son can. Georges de Mestral los examinèt e descobriguèt la possibilitat de far aderir dos materials de biais simple e reversible. Desvolopèt la benda autoagafanta e brevetèt l'idèa en 1951. De Mestral nomenèt son invencion « Velcro » mesclant los troces de mots velós e croquets. A l'ora d'ara las aplicacions d'aquel sistèma son plan nombrosas e lo mot velcro venguèt un terme generic per totes los tipes de benda autoagafanta.

Principi modificar

La benda autoagafanta es constituida amb doas sisas: une sisa « croquet » qu'es facha de croquetons de plastic en forma d'« inquets », e una sisa « velós » cobèrta de boclòtas de plastic. Quand las doas superfícias son quichadas una amb l'autra, los croquets arrapan las boclas e mantenon ensems embedoas sisas. Quand se tira dessús, los ligams se descrocan e tornan a la posicion iniciala, lor permetent atal de tornar jogar lo meteis ròtle.

Utilizacion modificar

Coma la benda autoagafanta es aisit d'utilizacion, que demanda cap d'entreten e sens cap de dangièr, es utilizada dins fòrça casses qu'un ligam temporari es necessari. Pels vestits remplaça los botons o las cremalhièras, e los correjons de las calçaduras, subretot pels enfants qu'encara sabon pas los nosar.

Tanben permet de far aderir d'elements decoratius o distinctius, coma las bendas patronimicas o los grades dels unifòrmes.

Aquela fixacion provisòria pòt èsser solida s'es plan estudiada. Atal o es, lo sistèma utilizat per fixar los discs abrasius sus de ponçadoiras.

De croquets d'acièr inoxidable son utilizats dins l'industria automobila per agafar de pèças coma los paratrucs. Puslèu que de provocar una desligason, las vibracions del veïcul mantenon de fach l'agafat (cada croquet se desligant es censat tornar s'agafar mercé al movement aleatòri qu'es subjècte).

Las agéncias espacialas l'utilizan sus las botas e las combinasons, sus de ligams permetent de fixar los objèctes en apesantor e per ligar los cascos dels astronautas.

 
Calçadura amb ligams de velcro

Nòtas e referéncias modificar

  1. Mesa en garda oficiala de l'entrepresa
  2. (fr)Historique, site de la societat VELCRO

Articles connèxes modificar

 

Wikimedia Commons prepausa de documents multimèdia liures sus Velcro.

Ligams extèrnes modificar