Vòl Germanwings 9525

(Redirigit dempuèi Vòl 9525 de Germanwings)

Lo vòl Germanwings 9525 es un vòl regular entre Barcelona e Düsseldorf assegurat per la companhiá alemanda Germanwings. Lo 24 de març de 2015, l'avion Airbus A320 amb 144 passatgièrs e 6 membres d'equipatge[1] que cobrissiá aqueste trajècte s'espotís en Provença, sus la comuna de Prats de Blèuna Auta, prèp de la localitat de Barcilona de Provença.

Un Airbus A320 de Germanwings

Cronologia del vòl modificar

 
Trajectòria del Vòl 9525 de Germanwings

L'avion s'enlairèt cap a 09:00:00 UTC de l'aeropòrt de Barcelona-El Prat; seguiguèt la meteissa rota que la velha e atenguèt cap a 09:26:00 UTC son altitud de crosièra d'aperaquí 38 000 pès (12 km) e una velocitat de près de 480 noses (900 km/h)[2].

Cap a 09:31:00 UTC, l'avion debutèt una davalada d'aperaquí un quilomètre d'altitud per minuta. Los contrarotlaires aerians perdiguèron definitivament lo contacte ràdio amb l'avion[3]. La procedura de recèrca de l'aparelh per un avion de caça de l'armada de l'aire francesa foguèt aviada, de badas[3]. Un elicoptèr de la gendarmariá completèt aquel primièr dispositiu d'urgéncia[3].

Cap a 09:38:00 UTC, l'aparelh èra a 11 400 pès (3 474 m), a una velocitat de 417 noses (772 km/h)[4],[5].

Pauc après, l'aparelh s'espotiguèt a 1 600 mètres[6] d'altitud dins lo massís aupenc dels Tres Evescats, sus lo territòri de la comuna de Prats de Blèuna Auta, entre Dinha e Barcilona de Provença, dins los Aups de Nauta Provença[7],[8]. La companhiá Germanwings anóncia aver perdut lo contacte a 10:53 h[3].

Segond l'enquèsta judiciària, es lo copilòt que, per una rason desconeguda, s'embarrèt dins la gabina e dirigiguèt l'avion cap a la montanha.[9]

Nòtas modificar

  1.  Germanwings plane crashes in southern France: police.
  2.  Vol 4U9525 du 23-03-2015. flightaware.com.
  3. 3,0 3,1 3,2 et 3,3
  4.  Registre de suivi des vols. Flightaware.com.
  5.  Full flight information and flight history for Germanwings aircraft D-AIPX. flightradar24.com.
  6.  Un Airbus A320 de la compagnie German Wings s'écrase dans le Sud de la France - leJDD.fr.
  7.  Crash A320 de Germanwings : la chute de l'avion a duré 8 minutes. http://www.lepoint.fr.
  8.  Crash d'un Airbus A320 dans les Alpes-de-Haute-Provence. Le Figaro.
  9.  Lo copilòt faguèt escrachar intencionalament l'avion, segon l'enquèsta. lo Jornalet.