Tiraire emboscat
Un tiraire emboscat, de còps dich franc-tiraire ò sniper, es un tipe de tiraire d'elèit aparegut dins lo corrent de la segonda mitat dau sègle XVIII. Destinat a combatre solet, ò au sen d'unitats fòrça pichonas (2-3 òmes), es generalament cargat de mantenir lo contacte visuau ambé l'enemic, de provesir d'ensenhaments sus sei movements e de neutralizar de butas mau protegidas (soudat, veïcul leugier...) amb un fusiu de precision de portada lònga (PGM Hécate II...).
En lei mèdias, lo tèrme es sovent utilizat per designar un tiraire isolat que sa mission es de secutar l'enemic. Aqueu tipe de combatent es generalament armat d'un fusiu d'assaut estandard e dispausa d'una importanta libertat d'accion. Es sovent utilizat per d'accions de guerilha urbana.