La teoria dei còrdas es una teoria qu'assaia de prepausar una descripcion de la gravitat quantica, es a dire de l'unificacion de la mecanica quantica e de la relativitat generala, e una unificacion dei quatre interaccions fondamentalas conegudas a l'ora d'ara. Apareguda dins lo corrent deis ans 1940, es una branca fòrça activa de la fisica teorica actuala.

Sei doas ipotèsis de basa son :

  • lei bricas fondamentalas de l'Univèrs serián pas de particulas ponctualas mai de menas de cordetas vibrantas tenent una tension, d'un biais similar a un elastic. Ansin, lei caracteristicas distintas dei particulas (massa, carga electrica...) serián de còrdas vibrant diferentament. Per sostenir aquela idèa, es necessària de definir una escala minimala qu'es a l'ora d'ara la dimension de Planck seriá l'escala minimala. Aquò permet de defugir l'aparicion de quantitats infinidas e de divergéncias.
  • l'Univèrs auriá mai de tres dimensions espacialas mai plusors d'entre elei serián plegadas e invisibles a nòstra escala d'observacion.

A partir d'aquelei concèptes, la teoria dei còrdas prevetz l'existéncia dau graviton (lo boson de la gravitat) coma una particula d'espin egau a 2 e de massa nulla.

A l'ora d'ara, la teoria dei còrdas a obtengut de resultats teorics parciaus, especialament dins lo domeni de la descripcion dei traucs negres. Pasmens, l'otís matematicas necessari a son foncionament, fòrça complèx, es pas encara acabat e pausa de problemas importants.

Liames intèrnes modificar

Bibliografia modificar

Nòtas e referéncias modificar