Teodoric II
Teodoric II (? 426 - Tolosa 466) èra un rei dels visigòts, filh del rei Teodoric Ir e fraire e successor del rei Torismond, aprèp que foguèsse assassinat, en 453.
|
Teodoric II
| |
|---|---|
 | |
| Retrach imaginat de Teodoric II | |
| Biografia | |
| Naissença | 426 |
| Decès | 466 |
| País: | Reialme visigòt |
| Epòca: | Antiquitat |
| Règne: | 453 a 466 |
| Davancièr: | Torismond |
| Successor: | Euric |
Biografia modificar
En 455, Avitus foguèt enviat coma ambaissador a la cort de Tolosa per renovar l'aliança entre Roma e los visigòts. Quand Avitus èra aila, lo rei visigòt foguèt assabentat de la mòrt de Petronius Maximus e del sac de Roma pels vandals e Teodoric decidiguèt de lo proclamar emperador, e li prometèt ajuda. Lo senat roman acceptèt lo novèl emperador prepausat pel rei visigòt (junh de 455)
Los ispanoromans de la Cartaginensa e la Tarraconensa implorèron l'ajuda d'Avitus menaçats per l'expansionisme sueu e dels bagauds. Rechiar, lo rei sueu, refusèt d'escotar las proposicions de patz de l'emperaire roman. Alara Teodoric capitant una armada subretot visigota passèt los Pirenèus, afrontèt los bagauds de la Tarraconensa, e capitèt a derrotar los sueus a 20 km d'Astorga a la batalha del riu Orbigo en 456. La capitala dels sueus, Braga, casèt dins las mans de Teodoric e lo rei Rechiar foguèt fach prisonièr alara qu'ensejava d'escapar e foguèt executat (decembre de 456).
Alara Teodoric dintrèt dins la província de Lusitània e ocupèt la capitala Merida, as deguèt retornar sul còp (457) per aparar los seus dominis aprèp la mòrt d'Avitus (17 d'octobre de 456). Pasmens que la conquista d'Ispània s'èra facha jols òrdes d'Avit, dins l'acord èra una clausula secreta qu'estipulava que las conquistas fachas en Ispània serián pels visigòts.
En 458 envièt una autra armada en Ispània dirigida pel gòt Cirilla, e una mai en 459, aquel còp capitanejada per Sunieric. Alara l'emperaire Majorian anava cap a Gàllia amb una armada constituida subretot de barbars (bastarns, sueus, huns, alans, rugians, burgonds, gòts e sarmats); passèt lo Aups e en novembre de 458 èra a Lion ont foguèt complimentat pel poeta Sidoni Apollinar que li dediquèt un panegiric; aprèp anèt a Arle, ont refusèt a Teodoric qu'assètge la ciutat, e i demorèt tot l'an 459, que foguèt lo luòc d'encontra de las armadas; aprèp la victòria suls visigòts, demandèt a Teodoric de causar pas mai de problèmas a la Gàllia, signant un tractat novel.
Aprèp lo fracàs de l'expedicion en Africa (460) Majorian deguèt abdicar per Ricimer lo 2 d'agost de 461 e moriguèt lo 7 d'agost següent, foguèt proclamat emperaire Libi Sever amb que Teodoric se declarèt partenari e ocupèt Narbona en lo seu nom (462). La casuda de Majorian e la nova fortalesa dels vandals, desgatjèt Teodoric del perilh roman e benlèu decidiguèt de sometre tota la Gàllia Narbonesa, ensejant, sens succès, de s'espandir cap al centre de Gàllia ont encontrèt lo galloroman Egidi, que ne moriguèt lo seu fraire Frederic, a Orleans en 463, mas Egidi moriguèt de pèsta en 464 e alara Teodoric podèt ocupar las tèrras fins al Léger e Ròse.
La situacion a Hispania es mens clara mas envièt divèrsas ambaissades al rei sueu Remismon amb que s'alièt (una sòr de Teodoric se marièt amb un filh de Remismon), e segurament una partida d'Hispania va reconeguèt la seuna sobeirania.
En cap moment del seu govèrn dictar un còdi de leis.
Nòtas e referéncias modificar
Vejatz tanben modificar
| Precedit per | Teodoric II | Seguit per | ||
| Torismond |
|
Euric |