Taus d'escòmpte
Lo taus d'escòmpte es un taus determinat per la banca centrala d'un espaci economic afin d'i encoratjar ò de descoratjar la creacion monetària. Quand un agent economic detèn una creança, pòu chausir d'esperar lo tèrme afin d'èsser pagat per lo debitor. Mai, pòu tanben decidir de la portar a sa banca que lo creditarà immediatament dau montant de la creança mens una retenguda, l'escòmpte. La banca pòu realizar la meteissa operacion auprès de la banca centrala. Lo taus d'escòmpte representa lo rapòrt entre la retenguda realizada e la valor nominala de la creança. S'aumenta, descoratja l'escòmpte e donc la creacion monetària ; se demenís, s'obtèn lo resultat contrari.