Superman
Superman es un supereròi de benda dessenhada estatsunidenca que fa partida dau mond imaginari de l'Univèrs DC. Es una icòna culturala estatsunidenca e occidentala.
Crat en genier de 1933 per Jerry Siegel (1914-1996) e Joe Shuster (1914-1992), es un extraterrèstre originari de la planeta Cripton. Foguèt mandat vèrs la Tèrra per son paire car sa planeta èra menaçada de destruccion. Adoptat per un pareu de rendiers de Kansas, foguèt dich Clark Kent e venguèt jornalista au Daily Planet onte rescontrèt sa futura frema, Loïs Lane. En causa de son origina criptoniana, a de poders fisics e sensoriaus extraordinaris e es l'òme pus fòrt de la Tèrra. Pasmens, totei sei capacitats son anulladas per una substància dicha criptonita.