Sriwijaya

Sriwijaya èra una ciutat-estat dau sud de Sumatra a l'emplaçament de la vila actuala de Palembang. Formèt una talassocràcia que dominèt lo Sud-Èst Asiatic entre lei sègles VIII e X.

Zòna d'influéncia de la talassocràcia de Srivijaya ai sègles VII-IX.

La ciutat prenguèt son importància a partir dau sègle VII, probablament gràcias a una aliança entre l'aristocracia de la vila e de marins nomadas que son a l'origina deis Orang Laut actuaus (« gens de la mar » en occitan). Au sègle VIII, venguèt la poissança dominanta dau Sud-Èst Asiatic e dominava la Mar de China Meridionala e la mitat occidentala de l'archipèu indonesian. Son declin acomencèt en 1025 ambé lo pilhatge de la capitala per una flòta chola qu'entraïnèt lo transferiment progressiu dau poder de Sriwijaya ela meteissa a Jambi. Dins lo corrent dau sègle XIV, la vila passèt sota l'influéncia dau reiaume javanés de Majapahit e foguèt destrucha en 1377 en causa d'una revòuta.

Liames intèrnes

• Talassocràcia.

Bibliografia

• (en) Takashi Suzuki, The history of Srivijaya, Angkor and Champa, Mekong Publishing, 2019.