Speculum al foder
Speculum al foder es un libre medieval en catalan, d'autor anonim, que se pòt tradusir per Manual del fotre[1] e preten èsser un tractat sus las bonas manièras sexualas. Dins lo genre didactic dels tractats, es un tèxte de vulgarizacion sus la seduccion, las practicas sexualas e l'igièna. S'agís del primièr manual erotic europèu.[1] Existís doas copias manuscritas, una d'elas parciala, del sègle xv se trapa a la Bibliotèca Nacionala de Madrid.
Istòria modificar
La part màger del Speculum al foder es una traduccion del tractat en latin: Liber minor de coitu, basat sus Liber de coitu que foguèt redigit en latin al sègle XII per Constantin l'African, lo qual se basa en d'autres libres arabs, los quals an coma origina alunhada lo Kamasutra indian.
Contengut modificar
Lo libre Speculum al foder part de la concepcion galenica que descriu sièis causas non naturalas que permeton manténer la santat: lo manjar e lo beure, la vigilança e lo sòm, l'exercici e lo repaus, los rempliments e las evacuacions (entre elas l'ejaculacion), l'aire que nos environa, e las passions de l'arma. Es a dire, l'enamorament provòca de malautiás, mas l'acte sexual es sanitós.
Lo contengut original de l'òbra compren un manual de psicologia femenina per la seduccion e un catalòg de posturas sexualas. Se menciona tanben una aisina, lo godomassí. S'explican tanben de processes per sintetisar de remèdis e afrodisiacs, coma per exemple la medecina per dreçar la verga, que se detalha la recèpta del lach merengat.[1]
Referéncias modificar
Bibliografia modificar
- (ca)Speculum Al foder, edicion a la carga d'Anna Alberni, Edicions Vitel·la, Bellcaire d'Empordan, 2007, ISBN 978-84-935295-7-4
- (ca)Kamasutra Catalan, traduccion / adaptacion al catalan modèrn del tèxt medieval catalan Speculum al foder, edicion a la carga de Patrick Gifreu, Colomna Edicions, Barcelona, 2001, ISBN 978-84-664-0077-0
Ligams extèrnes modificar
- (ca)Aquela autra Edat mejana: Speculum al foder, l'importància del sèxe
- (ca) PDF L'edicion en letra gotica de la Speculum al foder (1917)
- (ca)«"Speculum Al foder" lo Kamasutra a la catalana». Ressenya Sus la publicacion de la Speculum al foder. eroscatala.Cossí, 22/11/2007. [Consulta: en 10 febrièr 2011].