Sosmarin nuclear lançaire d'engenhs
Un sosmarin nuclear lançaire d'engenhs es un sosmarin militar desvolopat dins lo corrent deis annadas 1950 e aparegut dins leis annadas 1960. Es un sosmarin de talha granda equipat d'una propulsion nucleara, d'un armament antinaviri (torpilhas e de còps missils antinaviris) e de missils mar-sòu balistics estrategics. Sa còca es realizada per li donar una discrecion maximala. Sa mission principala es d'assegurar la dissuasion nucleara, especialament la garantida d'una repòsta, en causa de la dificultat de lo localizar.
