Sodan del Sud

	Sodan del Sud
	Republic of South Sudan (en)
	; {{{legenda bandièra}}} ; {{{legenda blason}}}
	Imne: « South Sudan Oyee! »;
	Devisa: « Justice - Liberty - Prosperity » ; (en anglés: « Justícia - Libertat - Prosperitat »)
Administracion
Capitala	Juba 51′ N, 31° 36′ E
Forma de l'Estat	Republica presidenciala federala
President	Salva Kiir Mayardit
Lengas oficialas	anglés
Membre de	ONU (dempuèi lo 14 de julhet de 2011)
Geografia
Superfícia	Classat 43en
• Totala	619 745 km²
Punt culminant	Mont Kinyeti (ca)
Demografia
Populacion	Classat 87en
• Totala	10 561 244 ab. (2020)
• Densitat	17 ab./km²
Gentilici	sud-sodanés -esa
Istòria
Independéncia	Sodan
	9 de julhet de 2011
Economia
PIB	$ 3 miliards nominal {{{PIB_reng}}} (2016)
Autras informacions
Indicatiu telefonic	211
Fus orari	3
Domeni internet	.ss
	I. L'arab de Juba, es la lenga largament espandida e la lenga veïculara del Sodan del Sud. ; II. La liura sud-sodanesa es la devisa nacionala.

Pels articles omonims, vejatz Sodan (omonimia).

Sud-Sodan o Sodan del Sud^[3] (en anglés South Sudan), oficialament la Republica de Sodan del Sud (en anglés Republic of South Sudan), es un estat federal d'Africa, independent del Sodan dempuèi lo 9 de julhet de 2011. Confronta Sodan al nòrd, Etiopia a l'èst, Quenha e Oganda al sud-èst, lo Còngo Oriental al sud-oèst e Centrafrica a l'oèst.

La capitala es Juba e lo gentilici es sud-sodanés, -esa.

Es dividit en 10 estats.

Istòria modificar

Article detalhat: Istòria de Sodan.

Fins a l'independéncia dau Sodan dau Sud lo 9 de julhet de 2011, son istòria es liada a aquela de Sodan. Lo país obtenguèt rapidament son adesion ai Nacions Unidas (14 de julhet), a l'Union Africana (27 de julhet), au FMI e la Banca Mondiala (18 d'abriu de 2012). Salva Kiir, lo cap de l'Armada Populara de Liberacion de Sodan, ne'n venguèt president.

Lo 23 de julhet de 2013, una crisi politica opausèt Salva Kiir a son vicepresident, Riek Machar, que foguèt destituit après l'anóncia de seis ambicions presidencialas. Lei tensions entre lei partisans dei dos òmes s'agravèron e lo 15 de decembre, de combats acomencèron entre lei dos camps dins la capitala. Lei fòrças de Salva Kiir ne'n gardèron lo contraròtle e divèrsei caps politics foguèron arrestats. Pasmens, Riek Machar capitèt de s'enfugir. La guèrra civila se generalizèt alora ambé la presa de posicion de diferenteis etnias ò faccions de la guerilha independentista devesidas per de dissensions ancianas en favor d'un dei dos camps. De combats saunós entraïnèron la mòrt de 50 000 personas e lo desplaçament de 1,8 milions de refugiats de decembre de 2013 a junh de 2015.