Segonda Republica de Veneçuela

Republica de Veneçuela

1813 – 1814

[[Fichièr:Banèra| 110px|Bandièra]]
Informacions generalas
Estatut Republica
Capitala Caracas

Entitats precedentas :

  • Purmèra Republica de Veneçuela
  • Capitania Generau de Veneçuela

Entitats seguentas :

  • Tresau Republica de Veneçuela
  • Capitania Generau de Veneçuela

La Segonda Republica de Veneçuela qu'existí transitoriament après la caduda de la Purmèra Republica de Veneçuela enter 1813 e 1814. Que podè estar establida mercés a la Campanha d'Orient gavidada per lo patriota veneçolan Santiago Mariño qui liberè la ciutat de Cumaná. Lo 6 d'agost de 1813 Simón Bolívar, deu son costat, qu'entrè dens Caracas après la soa Campanha Admirabla.

Après la caduda de la Purmèra Republica, Bolívar que s'èra refugiat a Curaçao puish dens lo territòri de Nava Granada (dens l'actuala Colómbia) on publiquè lo Manifèst de Cartagena on analisava las causas de la derrota de la Purmèr Republica. A partir de Nava Granada que comencè la Campanha Admirabla qui miè a ua segonda liberacion de Caracas e a l'establiment de la segonda republica. Au cors d'aquesta campanha, que dictè après la liberacion de Trujillo lo Decrèt de Guèrra a mor dab la famosa frasa : "Espanhòls a canarians, comptatz dab la mort, quitament en bèth estar neutres se non tribalhatz pas activament per la libertat. Veneçolans, comptatz dab la vita, quitament se ètz copables".

Fin finala l'armada de la Segonda Republica que ho vençuda per las operacions de José Tomás Boves, un comerciant espanhòl hèra crudèl e qui dab lo son carisma e s'èra hicat au cap d'ua armada d'esclaus negres qu'avèva convençuts que los creòles e volèvan bastir ua republica sonque entà etsh mentres qui lo rei d'Espanha e aurè avut lo projècte d'abolir l'esclavatge.