Los sans o bushmen, sho, basarwa, kung, o khwe son un pòble indigèna del sud d'Africa, que lor territòri s'estend en Sud-Africa, Zimbabwe, Lesotho, Moçambic, Swaziland, Botswana, Namibia, e Angòla. Èran tradicionalament de caçaires-culheires, qu'apertenon al grop khoisan e son ligats als pastres khoikhoi.

San
Populacion totala
90 000
Regions amb populacion significativa
Botswana 55 000
Namibia 27 000
Sud-Africa 10 000
Lenga
Khoisan
Religion
religion san
Grop etnic ligat
Khoikhoi, Xhosa, Basters, Griqua

Los sans son los abitants pus ancians d’Africa Australa ont vivon dempuèi almens 20 000 ans. Lor abitat es lo vast desèrt de Kalahari. Se definisson coma «los que seguisson lo liuç» en se desplaçant segon las pluèjas per fin de trapar son manjar.
La denominacion de bochiman es deguda als boers, de l'afrikaans, boschjesman, «òme del bòsc» mas se nomenan eles meteisses «san».

Aqueste pòble nomada de caçaires-culheires ocupava antan tota l'Africa Australa. Las arribadas successivas dels bantos, agricultors sedentaris, e dels khoikhoi vivent d'elevatge e parlant una lenga de la meteissa familha, deimèron aquesta populacion e la butèron cap a de tèrras de mai en mai ingratas. L'arribada dels neerlandeses (boers) e uganauds al sègle XVII puèi del britanics acabèt de los reduire a la misèria en los caçant de sas tèrras ancestralas.