Robert Louis Stevenson

Robert Louis Balfour Stevenson (Edimborg, 13 de novembre de 1850 – Vailima [iscla d'Upolu], Samoa, 3 de decembre de 1894) èra un escrivan escocés.

Retrach per Girolamo Nerli, 1892

Foguèt l'autor fòrça conegut d'istòrias fantasticas popularas, e d'unas de sas òbras son vengudas classicas, coma L'Iscla del tresaur (Treasure Island)[1], publicada en 1883, o Strange Case of Dr Jekyll and Mr Hyde (L'Afar estranh del doctor Jekyll e d'en Hyde), publicada en 1886.

En 1878, faguèt un viatge a pè de dotze jorns, acompanhat d'una sauma, a travèrs Velai, Gavaudan e Cevenas. Traguèt d'aquela escorreguda un raconte famós intitulat Viatge amb un ase per Cevenas (Travels with a Donkey in the Cévennes)[2], publicat en 1879. Lo camin seguit per l'escrivan fa partida d'uèi dels caminòls de granda randonada. Es lo GR 70, sonat tanben lo camin de Stevenson.

Nòtas e Referéncias modificar

  1. Revirada en occitan lengadocian de Pèire Beziat, IEO Edicions (IDECO), colleccion Flor Envèrsa, 2015. ISBN 285910562X
  2. Revirada en occitan lengadocian de Pèire Beziat, Editions des Régionalismes, 2019. ISBN 978-2-8240-0998-8