Raimon de Perelha nascut cap a 1185, foguèt senhor de Perelha e cosenhor de Montsegur , èra membre de la familha Bellissens de Mirapeis, filh de Guilhèm Rogièr de Mirapeis (mòrt abans la crosada dels albigeses), e de Fornièra de Perelha. Se maridèt en 1205 a Ròcafixada, amb Corba de Lantar, filha de Jordan de Lantar. D'aquesta union naissèron quatre filhas e un filh: Arpaís, Braida, Felipa, Esclarmonda e Jordan.

Ordenèt la fortificacion del puòg de Montsegur en 1204 e ne visquèt la casuda en 1244. Foguèt puèi empresonat e interrogat a Carcassona.

Fòrça ligat al catarisme per sa familha, la fin tragica del lenhièr de Montsegur en 1244 lo daissèt sol, sa molhèr e sa filha Esclarmonda foguèron cremadas e sas autras doas filhas sosmesas als interrogatòris de l'inquisicion.